منوج سنہا نے کمسن مجاہد آزدی باجی روٹ کو پیش کیا خراج عقیدت

منوج سنہا نے اپنے ٹوئٹ میں کہا کہ ’باجی روٹ کو ان کی سالگرہ کے موقع پر خراج تحسین پیش کرتا ہوں۔ وہ قوم کے سب سے کم عمر شہید ہیں جنہوں نے بارہ برس کی عمر میں ہی اپنی زندگی نچھاور کر دی۔

منوج سنہا، تصویر یو این آئی
منوج سنہا، تصویر یو این آئی
user

یو این آئی

سری نگر: جموں و کشمیر کے لیفٹیننٹ گورنر منوج سنہا نے منگل کے روز کمسن مجاہد آزادی باجی روٹ کو ان کی سالگرہ کے موقع پر خراج عقیدت پیش کیا۔ انہوں نے کہا کہ کمسن مجاہد آزدی باجی روٹ کی ملک کے لئے قربانی کو ہمیشہ یاد رکھا جائے گا۔

منوج سنہا نے اپنے ٹوئٹ میں کہا کہ ’باجی روٹ کو ان کی سالگرہ کے موقع پر خراج تحسین پیش کرتا ہوں۔ وہ قوم کے سب سے کم عمر شہید ہیں جنہوں نے بارہ برس کی عمر میں ہی اپنی زندگی نچھاور کر دی۔ ملک کے لئے ان کے حوصلے، استقلال اور قربانی کو ہمیشہ یاد رکھا جائے گا اور ان سے ہمیں ہمیشہ حوصلہ ملتا رہے گا‘۔


بتادیں کہ باجی روٹ پانچ اکتوبر 1926 کو اڑیسہ میں پیدا ہوئے تھے۔ انہوں نے اڑیسہ کے ضلع بھوبن کے نیلکانتھا پور گھاٹ پر گیارہ اکتوبر 1938 کی رات برطانوی فوج کو دریائے برہمنی پار کرانے سے انکار کیا تھا جس پر برطانوی فوج نے آگ بگولہ ہوکر انہیں گولی مار کر شہید کر دیا تھا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔