مہاراشٹر حکومت کے خلاف مہا وکاس اگھاڑی کا کل بڑا مارچ، 50 سے زیادہ پارٹیاں اور تنظیمیں ہوں گی شامل

عارف نسیم خان نے کہا کہ عظیم شخصیات کی مسلسل توہین، حالیہ ریمارکس پر گورنر کو ہٹانے کا مطالبہ، مہاراشٹر سے گجرات میں صنعتوں کی منتقلی اور مہاراشٹر۔کرناٹک سرحدی تنازعہ احتجاج کے اہم نکات ہوں گے۔

تصویر آئی اے این ایس
تصویر آئی اے این ایس
user

قومی آوازبیورو

مہاراشٹر کے اپوزیشن اتحاد مہا وکاس اگھاڑی نے مختلف مسائل پر شندے-بی جے پی حکومت کے خلاف سنیچر کو ممبئی میں ایک بڑا جلوس نکالنے کا اعلان کیا ہے۔ ایم وی اے، کانگریس، این سی پی اور شیوسینا-یو بی ٹی کے جلوس میں 50 سے زیادہ سیاسی پارٹیاں، گروپس اور این جی اوز کے شامل ہونے کی امید ہے۔ مہا وکاس اگھاڑی کے حلقے کانگریس، نیشنلسٹ کانگریس پارٹی، شیو سینا-یو بی ٹی کے علاوہ کئی ٹریڈ یونین، مزدور یونین، اساتذہ، آٹو رکشہ یونین اور سماجی گروپس ہفتہ کی صبح بائیکلہ سے چھترپتی شیواجی مہاراج ٹرمینس) تک زبردست مارچ میں شامل ہوں گے۔ اور تقریباً 5 کلومیٹر کا فاصلہ طے کرے گا۔

کئی دنوں کے اندیشوں کے بعد، ممبئی پولیس نے جمعہ کو میگا مورچہ کے لیے اجازت دے دی، جس سے راستے میں سخت پولیس سیکورٹی کے درمیان ہفتہ کو مظاہرے کی راہ ہموار ہوئی۔ 13 دسمبر کو پونے میں بندی کے ساتھ 80 جماعتوں اور گروپوں کے زبردست مارچ کے بعد یہ دوسرا سب سے بڑا مظاہرہ ہوگا۔ جلوس میں شامل ہونے والے مختلف جماعتوں کے سرکردہ رہنماؤں میں سابق وزیر اعلیٰ ادھو ٹھاکرے، سابق نائب وزیر اعلیٰ اور اپوزیشن کے موجودہ لیڈر اجیت پوار اور کانگریس کے ریاستی سربراہ نانا پٹولے شامل ہیں۔ این سی پی کے چیف ترجمان مہیش تاپسی نے کہا کہ دیگر اہم لیڈر جینت پاٹل، نسیم خان، سنجے راوت، دلیپ والسے پاٹل، بھائی جگتاپ، ڈاکٹر رگھوناتھ کوچک کے علاوہ مختلف گروپوں کے نمائندے شامل ہوں گے۔


مختلف جماعتوں کے قائدین کا اندازہ ہے کہ ہفتہ کا مارچ تین سے چار لاکھ سے زیادہ لوگوں کو اپنی طرف متوجہ کرسکتا ہے، بشمول ریاست بھر سے آئے ہزاروں کارکنان جو جمعرات کی شام سے جمع ہوئے ہیں۔ جلوس کے کوآرڈینیٹر و کانگریس رہنما عارف نسیم خان نے کہا کہ عظیم شخصیات کی مسلسل توہین، حالیہ ریمارکس پر گورنر کو ہٹانے کا مطالبہ، مہاراشٹر سے گجرات میں صنعتوں کی منتقلی اور مہاراشٹر۔کرناٹک سرحدی تنازعہ، احتجاج کے اہم نکات ہوں گے۔

انہوں نے کہا کہ مارچ کرنے والے عوام کو درپیش مہنگائی، بے روزگاری کے بڑھتے ہوئے اعداد و شمار، نوجوانوں کے لیے ملازمتوں کی کمی، حکمران اتحاد کے بعض وزراء کے ذریعہ خواتین کے خلاف توہین آمیز بیانات اور دیگر سلگتے ہوئے مسائل کا ایشو بھی اٹھائیں گے۔ جلوس کے ساتھ ساتھ ریاست بھر میں منعقدہ احتجاجی مظاہروں نے حکمران بالاصاحب چنچی شیو سینا-بی جے پی کو مشتعل کر دیا ہے، جس نے اب اپوزیشن سے اپیل کی ہے کہ وہ اس بات کو یقینی بنائیں کہ احتجاج پرامن طریقے سے انجام پائے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔