راہل گاندھی کا بھوپال دورہ کل، سکیورٹی کے سخت انتظامات
کانگریس نے اپنے منشور کے جن وعدوں کو پورا کر دیا ہے راہل گاندھی ان کی تفصیلات دینے کے علاوہ کسانوں کو اپنی پارٹی کے آئندہ منصوبوں کے بارے میں معلومات دیں گے۔
بھوپال: دار الحکومت میں کانگریس صدر راہل گاندھی کے کل کو منعقد ہونے والے پروگرام کے پیش نظر سکیورٹی کے سخت انتظامات کئے گئے ہیں۔ مدھیہ پردیش کانگریس کے ترجمان پنکج چترویدی نے یو این آئی کو بتایا کہ پارٹی صدر راہل گاندھی 8 فروری کو بھوپال آئیں گے۔
کانگریس نے اپنے منشور میں کسانوں، نوجوانوں، آنگن باڑی کارکنوں سمیت دیگر طبقوں کے لئے جو وعدے کیے تھے، پارٹی نے ان میں سے بہت سے وعدے پورے کر دیئے ہیں۔ راہل گاندھی اس کی تفصیلات دینے کے علاوہ کسانوں کو اپنی پارٹی کی آئندہ منصوبوں کے بارے میں معلومات دیں گے۔
پنکج چترویدی کے مطابق پارٹی صدر کے اس پروگرام میں ریاست میں کانگریس کی حکومت بنانے پر عوام کا شکریہ ادا کیا جائے گا۔ پروگرام میں پوری ریاست سے کسانوں کو مدعو کیا گیا ہے۔
پروگرام میں وزیر اعلی کمل ناتھ کے علاوہ سابق وزیر اعلی دگ وجے سنگھ، کانگریس ممبر پارلیمنٹ جيوترادتيہ سندھیا سمیت دیگر سینئر لیڈران بھی شامل ہوں گے۔
ریاست میں کانگریس کی حکومت بننے کے بعد کسانوں کے لیے 'جے کسان قرض معافی' منصوبہ کی شروعات کی گئی ہے۔ اس کے تحت تقریبا 55 لاکھ کسانوں کا دو لاکھ روپے تک کا قرض معاف کرنے کا فیصلہ کیا گیا ہے۔
کل منعقد ہونے والے اس پروگرام کے پیش نظر اس مقام جبوري میدان سمیت ارد گرد کے علاقوں میں سکیورٹی کے سخت انتظامات کئے گئے ہیں۔ پوری ریاست سے لوگوں اس پروگرام میں شامل ہونے کی توقع ہے، اس لئے کل سڑکوں پر ٹریفک میں بھی تبدیلی کی گئی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔