مدھیہ پردیش: ضلع اندور میں کورونا سے اب تک 1204 مریضوں کی موت

چیف میڈیکل اینڈ ہیلتھ افسر نے بتایا کہ ہفتے کے روز مجموعی 9864 مشتبہ افراد کے نمونوں کی جانچ کی گئی۔ اس میں 17 فی صد شرح انفیکشن سے 1679 کیسز سامنے آئے ہیں۔

تصویر یو این آئی
تصویر یو این آئی
user

یو این آئی

اندور: کورونا ہاٹ اسپاٹ مدھیہ پردیش کے ضلع اندور میں کورونا کے 1679 نئے کیسز سامنے آنے کے علاوہ ضلع میں 7 مریضوں کی موت ہونے سے اب تک ضلع میں 1204 مریضوں کی موت ہوچکی ہے۔ چیف میڈیکل اینڈ ہیلتھ افسر نے بتایا کہ ہفتے کے روز مجموعی 9864 مشتبہ افراد کے نمونوں کی جانچ کی گئی۔ اس میں 17 فی صد شرح انفیکشن سے 1679 کیسز سامنے آئے ہیں۔ اسی دن 301 متاثرہ افراد صحتیاب ہوئے ہیں۔ اس کے نتیجے میں یہاں ایکٹو کیسز کی تعداد بڑھ کر 16282 ہوگئی ہے۔

ادھر ضلع میں اب تک 12,56,821 مشتبہ افراد کے نمونوں کی جانچ کی گئی۔ ان میں سے سامنے آئے 1,26,832 متاثرہ افراد میں سے 1,09,346 صحتیاب ہوئے ہیں۔ گزشتہ 24 مارچ 2020 سے کورونا کی دستک کے بعد ضلع میں علاج کے دوران مجموعی طور پر اب تک 1204 مریضوں کی موت ہو گئی ہے۔


وہیں مدھیہ پردیش کے ضلع مورینا میں کورونا کے 103 نئے کیسز تصدیق ہوئی ہے۔ سرکاری ذرائع کے مطابق گزشتہ دیر رات کورونا کے 684 مشتبہ مریضوں کی جانچ رپورٹ میں ایک سو تین افراد کورونا سے متاثر پائے گئے ہیں، جبکہ 149 مریض گزشتہ روز صحتیاب ہو کر ضلع اسپتال سے گھر چلے گئے ہیں۔

اسپتال ذرائع کے مطابق ضلع انتظامیہ کی جانب سے گزشتہ تین دن کورونا کرفیو کے زبردست نفاذ کے بعد لوگوں کے غیر ضروری طور پر گھروں سے نہیں نکلنے کی وجہ سےکورونا انفیکشن کے پھیلاؤ پر روک لگی ہے اور کورونا پازیٹو مریضوں کے اسپتال میں علاج کے لئے آنے میں کمی آئی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔