دہلی میں ہلکی بارش، ہوا کا معیار انتہائی ناقص

محکمہ موسمیات کے مطابق آج دہلی میں زیادہ سے زیادہ درجہ حرارت 32 ڈگری اور کم سے کم درجہ حرارت 21 ڈگری سینٹی گریڈ رہنے کا امکان ہے۔

دہلی کی بارش / ٹوئٹر
دہلی کی بارش / ٹوئٹر
user

قومی آوازبیورو

نئی دہلی: قومی راجدھانی دہلی میں اتوار کی صبح آسمان ابر آلود رہے اور ہلکی سے درمیانی درجہ کی بارش ہوئی جس سے ہوا کے معیار میں بہتری کی توقع ہے۔ ہوا کے معیار اور موسم کی پیشن گوئی اور ریسرچ سسٹم کے مطابق مغربی دباؤ کے اثر سے ہوا اتوار تک مشرق کی طرف بڑھے گی۔ ہوا کے معیار میں بہتری کی توقع ہے، لیکن آج ہوا کا ناقص معیار کے زمرے میں رہے گا۔ اگلے تین دنوں تک یہاں ہوا کا معیار معتدل رہنے کا امکان ہے۔ قابل ذکر ہے کہ قومی دارالحکومت دہل میں ہوا کا معیار انتہائی خراب سطح پر پہنچ گیا تھا۔

دوسری جانب محکمہ موسمیات نے دہلی میں بارش کی وارننگ جاری کی ہے۔ محکمہ موسمیات نے کہا ہے کہ ’’جنوبی دہلی، مشرقی دہلی، جنوب مغربی دہلی، جنوب مشرقی دہلی، کوروکشیتر، کیتھل، نروانا، راج ونڈ، اسندھ، لوہارو، سوہنہ (ہریانہ) کے مختلف مقامات پر ہلکی سے درمیانی درجے کی بارش ہوگی‘‘۔


محکمہ موسمیات کا کہنا ہے کہ اتوار کو اتراکھنڈ، مغربی اتر پردیش اور ہریانہ میں تیز ہواؤں اور موسلا دھار بارش ہوگی۔ محکمہ کے مطابق آج دہلی میں زیادہ سے زیادہ درجہ حرارت 32 ڈگری اور کم سے کم درجہ حرارت 21 ڈگری سینٹی گریڈ رہنے کا امکان ہے۔ آج صبح 8.30 بجے تک رطوبت کی سطح 90 فیصد ریکارڈ کی گئی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔