بڑی خبر: چھتیس گڑھ کے بھیلائی اسٹیل پلانٹ میں دھماکہ، ہلاکتوں کی تعداد 9 پہنچی

چھتیس گڑھ کے بھیلائی اسٹیل پلانٹ کے اندر ایک گیس پائپ لائن میں دھماکہ کے دوران 6 افراد ہلاک ہو گئے ہیں جبکہ 14 افراد شدید طور پر زخمی ہوئے ہیں۔ زخمیوں کو علاج کے لئے اسپتال میں داخل کرایا گیا ہے۔ بعد میں ہلاکتوں کی تعداد 9 پہنچ گئی۔

اطلاعات کے مطابق منگل کی دوپہر پلانٹ کے کوائلہ اوون کی بیٹری میں کام چل رہا تھا اسی دوران اچانک دھامکہ ہو گیا اور پلانٹ میں زبردست آگ لگ گئی۔ واقعہ کے وقت وہاں 15 ملازمین کام کر رہے تھے۔ پولس اور سی آئی ایس ایف کی جانب سے پورے علاقہ کو سیل کر دیا گیا ہے اور ضرورری کارروائی کی جا رہی ہے۔

مظفر پور گرلز شیلٹر ہوم میں جنسی زیادتی کا انکشاف ہونے کے بعد استعفی دینے والی بہار کی سابق سماجی بہبود کی وزیر منجو ورما کی آرمس ایکٹ میں عبوری ضمانت کو پٹنہ ہائی کورٹ نے نامنظور کر دیا ہے۔

منجو ورما کی بیگوسرائے واقع رہائش سے کچھ ہفتے قبل 50 کارتوس برآمد ہوئے تھے۔ اس معاملہ میں ان کے شوہر چندرشیکھر کو بھی نامزد ملزم بنایا گیا ہے۔

گجرات میں شمالی ہندوستانیوں پر ہو رہے حملوں کی بی ایس پی سربراہ مایاوتی نے سخت الفاظ میں مذمت کی ہے۔ انہوں نے کہا، ’’دکھ کی بات ہے کہ جن لوگوں نے مودی جی کو ووٹ دے کر کامیاب بنایا انہیں ہی گجرات میں نشانہ بنایا جا رہا ہے۔ گجرات کی بی جے پی حکومت کو یقینی بنانا چاہیے کہ اس طرح کے حملوں کے لئے ذمہ دار افراد کے خلاف سخت کارروائی کی جائے۔‘‘