بڑی خبر: نوئیڈا سیکٹر 39 میں عمارت تعمیر کے دوران حادثہ، ایک مزدور ہلاک، 5 زخمی

قومی راجدھانی خطہ میں شامل اتر پریش کے نوئیڈا کے سیکٹر 39 میں عمارت تعمیر کے دوران حادثہ ہواہے۔ حادثہ میں ایک مزدور کی موت ہو گئی ہے۔ وہیں اس حادثہ میں 5 مزدور زخمی ہو گئے۔

ہماچل پردیش کے بالائی علاقوں میں تازہ بھاری برف باری ہوئی جس کے بعد کلو، منالی، روہتانگ اور لاہول اسپیتی میں راستے بند ہو گئے۔ اس کے بعد سینکڑوں افراد بے یار و مددگار ہو گئے ہیں۔ لوگوں کو نکالنے کے لئے ریسکیو آپریشین چلایا جا رہا ہے۔

جموں و کمشمیر میں اتوار کے روز 4.6 شدت کے زلزلہ کے جھٹکے محسوس کئے گئے۔ زلزلہ کے جھٹکے محسوس ہوتے ہی لوگ اپنے گھروں سے باہر نکل آئے۔ جموں و کشمیر ڈیزاسٹر منیجمنٹ کے مطابق صبح 8.09 بجے زلزلہ کے جھٹکے محسوس کئے گئے، جس کا مرکز زمین سے 206 کلومیٹر کی گہرائی میں موجود تھا۔ زلزلہ میں کسی طرح کے جان و مال کے نقصان کی کوئی خبر نہیں ہے۔

ممبئی پولس نے ماڈل لکشیا کو اپنی فیشن ڈیزائنر ماں سنیتا سنگھ کے قتل کے الزام میں گرفتار کیا ہے۔ پولس نے بتایا کہ سنیتا مردہ حالت میں پائی گئی تھیں۔ ان کی کمر اور گردن پر چوٹ کے نشان ملے تھے۔ پولس نے اس معاملہ میں آئی پی سی کے تحت معاملہ درج کر لیا ہے اور جانچ کی جا رہی ہے۔