بڑی خبر: ’می ٹو‘ میں پھنسے آلوک ناتھ کا ونیتا نندا کے خلاف ہتک عزت کا مقدمہ

بالی ووڈ میں ان دنوں خواتین کی طرف سے چلائی جا رہی ’می ٹو‘ کی وجہ سے طوفان آیا ہوا ہے۔ فلمی دنیا سے وابستہ خواتین لگاتار بالی ووڈ کی معروف ہستیوں پر الزامات لگا رہی ہیں۔ ایسا ہی الزام لگنے کے بعد اداکار آلوک ناتھ نے رائٹر اور پروڈیوسر ونیتا نندا پر ہتک عزت کا مقدمہ درج کرایا ہے۔

واضح رہے، دوردرشن پر 90 کی دہائی میں آنے والے مشہور شو ’تارہ‘ کی مصنفہ اور تخلیق کار ونیتا نندا نے اداکار آلوک ناتھ پر تقریباً 2 دہائی پہلے ریپ کرنے کا الزام عائد کیا تھا۔ نندا نے آلوک ناتھ پر الزام لگاتے ہوئے اپنی فیس بک پوسٹ میں لکھا تھا، ’’میں نے اس پل کے آنے کا 19 سال انتظار کیا ہے۔‘‘