اہم خبریں: ہنومان چالیسا تنازعہ، گرفتار شدہ رکن پارلیمنٹ نونیت رانا اور ان کے شوہر کو کل باندرا کورٹ میں پیش کیا جائے گا

آسنسول سے نومنتخب رکن پارلیمنٹ شتروگھن سنہا نے پٹنہ میں کہا ’’ہم بہاری بابو ہوں، بنگالی بابو بن کر چناؤ لڑا اور جیت گیا۔ جیسے بہار کے وزیر اعلیٰ نتیش کمار جی نے کہا کہ میں بھارت ماتا کی اولات ہوں اور ہندوستانی بابو ہوں۔‘‘

سری نگر: جنوبی کشمیر کے ضلع پلوامہ میں ایک پولیس اہلکار بجلی کا کرنٹ لگنے سے لقمہ اجل بن گیا، جبکہ دوسرا زخمی ہوگیا۔ تاہم سرکاری طور پر یہ واقعہ پیش آنے کی وجہ فی الوقت ظاہر نہیں کی گئی ہے۔ متوفی کی شناخت جاوید احمد جبکہ زخمی کی شناخت منظور احمد کے بطور ہوئی ہے۔ منظور احمد اسپتال میں زیرعلاج ہے جہاں اس کی حالت مستحکم بتائی جا رہی ہے۔

دہلی میں کورونا انفیکشن سے متعلق خوفناک اعداد و شمار سامنے آئے ہیں۔ آئی آئی ٹی مدراس کے ایک تجزیہ کے مطابق، دہلی میں کورونا وائرس سے متاثرہ ہر شخص دوسرے دو لوگوں کو متاثر کر رہا ہے۔ دہلی میں کورونا کے پھیلاؤ کی نشاندہی کرنے والی ’آر ویلو‘ میں اضافہ ہوا ہے اور اس ہفتے یہ 2.1 ریکارڈ کیا گیا تھا۔

حیدرآباد: تلنگانہ کی حکمران جماعت ٹی آرایس کی رکن قانون سا زکونسل کے کویتا نے کہا ہے کہ سب کو بڑی آنت کے کینسر سے واقف ہونا چاہیے۔ معمول کے طبی معائنے، صحت مند زندگی کے لئے اہم ہیں۔ اس طرح کے کینسر کا پتہ چلا کر اس کا علاج کروانا ممکن ہے۔ انہوں نے زور دیتے ہوئے کہا کہ خواتین باقاعدگی سے ہیلتھ چیک اپ کروائیں۔ کویتا نے حیدرآباد کے گچی باؤلی میں اے آئی جی اسپتال میں کینسر بیداری پروگرام میں مہمان خصوصی کے طور پر خطاب کرتے ہوئے کہا کہ چھوٹے بچوں کو بھی بڑی آنت کا کینسر ہو رہا ہے۔ انہوں نے کہا کہ ضلعی مراکز میں بڑی آنت کے کینسر سے متعلق آگاہی پیدا کی جائے گی۔ کویتا نے کہا کہ حیدرآباد ملک کا طبی مرکز ہے۔

گزشتہ 24 گھنٹوں کے دوران ملک میں کورونا کے 2527 نئے کیسز سامنے آئے، 1656 افراد کو ڈسچارج کیا گیا اور 33 افراد کی کورونا سے موت ہو گئی۔

ماسکو: میں اقوام متحدہ کے سکریٹری جنرل انتونیو گوٹریس سے روسی وزیر خارجہ سرگئی لاوروف سے بات چیت کریں گے۔ کریملن کے ترجمان دمتری پیسکوف نے جمعہ کو یہ اطلاع دی۔ ترجمان نے کہا کہ "منگل 26 اپریل کو اقوام متحدہ کے سیکرٹری جنرل انتونیو گوٹریس روسی وزیر خارجہ سرگئی لاوروف سے بات چیت کے لیے ماسکو پہنچیں گے۔ روسی صدر ولادیمیر پوٹن سے بھی ان کی ملاقات ہوگی۔

اتر پردیش کے پریاگ راج میں اجتماعی قتل نے ہلچل مچا دی ہے۔ تھروائی تھانہ علاقہ کے کھیراج پور گاؤں میں جمعہ کی آدھی رات کے بعد قاتلوں نے ایک ہی خاندان کے 5 افراد کے گلے دھاردار ہتھیار سے کاٹ ڈالے۔ چار کی موت ہو گئی ہے جبکہ ایک کی حالت تشویشناک ہے۔ ارتکاب جرم کے بعد قاتلوں نے لاشوں کو جلانے کے لیے گھر کو آگ بھی لگا دی۔