’بین الاقوامی قرآن مسابقہ‘ میں کیرالہ کے حافظ اویس کو ملا اوّل مقام

کیرالہ کے ملپورم سے تعلق رکھنے والے حافظ طہ اویس نے بین الاقوامی قرآن مسابقہ میں پہلا مقام حاصل کرنے کے بعد کہا کہ وہ بہت بڑے اسکالر بننا چاہتے ہیں۔

 حافظ طہ اویس، تصویر یو این آئی
حافظ طہ اویس، تصویر یو این آئی
user

یو این آئی

کالی کٹ: جرمنی میں جمعیۃ الاحباء القرآن کے زیر اہتمام منعقدہ انٹرنیشنل قرآن مقابلہ میں کیرالہ کے طہ اویس نے پہلا مقام حاصل کرکے ریاست وملک کا نام روشن کیا ہے۔ یہ بات جامعہ مرکز الثقافۃ السنیہ کی جاری کردہ ریلیز میں کہی گئی ہے۔ ریلیز کے مطابق اس مقابلہ میں 20 سے زائد ممالک کے حفاظ وقراء شریک مسابقہ رہے۔ یہ مسابقہ عالمی سطح پر کافی اہمیت کا حامل رہا ہے۔ اس مسابقہ کے شرکا میں فیصل شیخ محمد حسن وہبی (متحدہ عرب امارات) شیخ عبدالواحد فلیلی (اسپین) شیخ محمد عبدالمنعم (برازیل) کے اسماء قابل ذکر ہیں۔ انعامی مقابلہ کا انعقاد تین مرحلوں میں آن لائن عمل میں آیا۔

موصولہ ذارئع کے مطابق حافظ طہ اویس بن عبدالمنیر جامعہ مرکز الثقافۃ السنیہ کے زیر اہتمام چل رہے مرکز کالج آف قرآن اکادمی میں زیر تعلیم ہیں۔ ان کا کامیابی پرمرکز مینجمنٹ واساتذہ نے مبارکباد پیش کی۔حافظ طہ نے اس موقع پر خوشی کا اظہار کرتے ہوئے والدین کے لئے نیک خواہشات کا اظہار کیا۔ انہوں نے کہا کہ یہ قرآن کا اعجاز ہے کہ مجھے کامیابی ملی ہے۔ قابل ذکر بات یہ ہے کہ حفظ کی تعلیم کے ساتھ طہ اویس ہائی اسکول SSLC کا بھی طالب علم ہے۔ مزید اعلیٰ تعلیم حاصل کرنے کاعزم بھی ہے۔ طہ کے مطابق وہ بہت بڑے اسکالر بننا چاہتے ہیں۔ طہ اویس کا تعلق ملپورم سے ہے۔ طہ نے اس سے قبل کئی انعامی مقابلہ میں کامیابی حاصل کی ہے۔ جس میں الفہیم قرآن کمپٹیشن قابل ذکر ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔