کیجریوال نے ملک کے پہلے اسماگ ٹاور کا کیا افتتاح

اروند کیجریوال نے کہا کہ تقریباً 24 فٹ اونچائی کا یہ ٹاور ایک کلومیٹر کے دائرے میں ہوا کو صاف کرے گا، جس سے راجدھانی کی آلودگی کی سطح میں کمی آئے گی۔

تصویر آئی اے این ایس
تصویر آئی اے این ایس
user

یو این آئی

نئی دہلی: وزیراعلی اروند کیجریوال نے راجدھانی دہلی میں فضائی آلودگی کم کرنے کی کوششوں کے تحت پیر کو یہاں ملک کے پہلے ’اسماگ ٹاور‘ ہوا صاف کرنے والے عوامی جدید نظام کا افتتاح کیا۔ اروند کیجریوال نے دہلی کا دل سمجھے جانے والے کناٹ پیلس میں قائم اس ٹاور کو آلودگی کے خلاف جاری جنگ میں میل کا پتھر قرار دیتے ہوئے کہا کہ اگر یہ تجربہ کامیاب ثابت ہوا تو راجدھانی کے دیگر حصوں میں بھی ایسی کوشش کی جائے گی۔

انہوں نے کہا کہ عوامی مقامات پر ہوا صاف کرنے کا یہ نظام امریکہ سے لایا گیا ہے۔ اس کے اثرات کی تشخیص آئی آئی ٹی دہلی اور ممبئی کے ماہرین کریں گے۔ وہ ایک مہینہ کے اعدادو شمار کی بنیاد پر شروعاتی اور آئندہ دوسال میں اس کے اثرات کے بار ے میں پوری معلومات دیں گے۔ ان کے مشوروں کی بنیاد پر آگے کا فیصلہ کیا جائے گا کہ اس نظام کو شہر کے دیگر حصوں میں قائم کیا جائے یا نہیں۔


انہوں نے کہا کہ تقریباً 24 فٹ اونچائی کا یہ ٹاور ایک کلومیٹر کے دائرے میں ہوا کو صاف کرے گا، جس سے راجدھانی کی آلودگی کی سطح میں کمی آئے گی۔ وزیراعلی نے کہا کہ ویسے تو دہلی حکومت کی کوششوں سے پہلے کے مقابلے آلودگی میں کمی آئی ہے، لیکن اس انوکھی کوشش کے بعد لوگوں کو مزید راحت مل سکتی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;