کیجریوال حکومت ملک کی واحد حکومت ہے جس نے ’آکسی میٹر تقسیم‘ کا قدم اٹھایا: راگھو چڈھا

کیجریوال حکومت نے ہوم آئسولیشن میں رہنے والے کووڈ کے تمام مریضوں کو آکسیجن کی پیمائش کے لئے آکسی میٹر دے رہی ہے: راگھو چڈھا

تصویر سوشل میڈیا
تصویر سوشل میڈیا
user

قومی آوازبیورو

نئی دہلی: عآپ کے ممبر اسمبلی اور قومی ترجمان راگھو چڈھا نے ہفتے کے روز اپنے حلقہ راجیندر نگر علاقے میں ڈسپنسری کا دورہ کیا۔ اس دوران انہوں نے آکسی میٹر کے تقسیم کے نظام کا جائزہ لیا۔ انہوں نے کہا کہ کیجریوال حکومت ہوم آئسولیشن میں زیر علاج تمام کووڈ مریضوں کو آکسیجن کی سطح کی جانچ پڑتال کے لئے آکسی میٹر دے رہی ہے۔ انہوں نے کہا کہ عام آدمی پارٹی کی حکومت ملک کی واحد حکومت ہے جس نے مریضوں کی صحت کی طرف یہ اہم قدم اٹھایا ہے۔

رگھو چڈھا نے کہا کہ دہلی میں کووڈ۔ 19 کے زیادہ تر مریض ہلکی علامات کے ساتھ ہوم آئسولیشن میں ہیں۔ دہلی حکومت آکسیجن کی سطح کی جانچ پڑتال کے لئے ان تمام مریضوں کو آکسی میٹر دے رہی ہے۔ وزیر اعلی اروند کیجریوال کی سربراہی میں عام آدمی پارٹی کی دہلی حکومت، ملک کی واحد حکومت ہے جس نے اس متاثر کن اقدام کو نافذ کیا ہے۔

انہوں نے یہ بھی کہا کہ کووڈ 19 انفیکشن کا سب سے بڑا مسئلہ یہ ہے کہ مریض کی آکسیجن کی سطح بہت اچانک نیچے آجاتی ہے۔ آکسی میٹر مشینیں ایک منٹ کے اندر آکسیجن کی سطح کی پیمائش کرتی ہے۔ عآپ حکومت نے ہوم آئسولیشن میں رہنے والے تمام مریضوں کو روزانہ کئی بار آکسیجن کی سطح کی جانچ کرنے کا مشورہ دیا ہے۔

اگر کسی مریض کو معلوم ہوتا ہے کہ اس کی آکسیجن کی سطح کم ہو رہی ہے تو حکومت نے مریضوں کو فوری طور پر حکومت سے رابطہ کرنے کا مشورہ دیا ہے۔ ایسے معاملات میں عآپ حکومت مریض کو فوری طور پر سلنڈر کے ساتھ آکسی میٹر کنسٹریٹر فراہم کرے گی۔ اگر آکسیجن کی سطح مزید نیچے آجاتی ہے تو عآپ حکومت فوری طور پر مریض کو اسپتال میں داخل کرے گی۔