کرناٹک فلور ٹسٹ: اسپیکر رمیش کمار نے دیا استعفی، ایوان کی کارروائی 5 بجے تک ملتوی

تصویر سوشل میڈیا
تصویر سوشل میڈیا

قومی آوازبیورو

29 Jul 2019, 1:09 PM

اسپیکر رمیش کمار نے اپنا استعفی ڈپٹی اسپیکر کو پیش کیا

کرناٹک کے اسپیکر رمیش کمار نے اپنا استعفی ڈپٹی اسپیکر کے حوالے کر دیا ہے، ڈپٹی اسپیکر نے ایوان کی کارروائی کو شام 5 بجے تک کے لئے ملتوی کر دی ہے۔

29 Jul 2019, 11:55 AM

بی ایس یدی یورپا نے اسمبلی میں ثابت کی اکثریت

کرناٹک اسمبلی میں وزیر اعلی بی ایس یدی یورپا نے اکثریت ثابت کر دی ہے، اپوزیشن نے ووٹنگ کا مطالبہ نہیں کیا اس لئے بنا ووٹنگ ہوئے یدی یورپا حکومت فلور ٹیسٹ میں پاس ہو گئی۔

29 Jul 2019, 11:51 AM

یدی یورپا کبھی مینڈیٹ کے ساتھ سی ایم نہیں رہے: سدارميا

سدارميا نے کہا، ’’بدقسمتی سے یدی یورپا کبھی بھی مینڈیٹ کے ساتھ سی ایم نہیں بنے ہیں، مینڈیٹ کہاں ہے؟ آپ کے پاس مینڈیٹ 2008، 2018 یا اب بھی نہیں ہے، جب انہوں نے حلف لیا تو ایوان میں 222 ممبران اسمبلی تھے، بی جے پی کے پاس اکثریت کے لئے 112 ممبر اسمبلی کہاں تھے؟ ان کے پاس 105 نشستیں تھیں، وہ مینڈیٹ نہیں ہے‘‘۔

سدارميا نے آگے کہا، ’’ہمیں امید ہے کہ آپ (بی ایس یدی یورپا) وزیر اعلی ہوں گے، لیکن اس کی کوئی ضمانت نہیں ہے، آپ باغیوں کے ساتھ ہیں، کیا آپ ایک مستحکم حکومت دے سکتے ہیں؟ یہ ناممکن ہے۔ میں اس تحریک عدم اعتماد کی مخالفت کرتا ہوں، کیونکہ یہ حکومت غیر آئینی اور غیر اخلاقی ہے‘‘۔

29 Jul 2019, 11:31 AM

کسانوں کے معاملے میں یدی یورپا نے اپوزیشن کا مانگا ساتھ

وزیر اعلی بی ایس یدی یورپا نے ایوان کی کارروائی شروع ہوتے کہا، ’’ریاست میں کئی مقامات پر سوکھا پڑ گیا ہے، میں کسانوں کے مسائل کو حل کرنا چاہتا ہوں، میں نے ریاست کی جانب سے وزیر اعظم کسان منصوبہ کے تحت فائدہ اٹھانے والوں کو 2000 روپے کی 2 قسطیں دینے کا فیصلہ کیا ہے، میں اپوزیشن سے اپیل کرتا ہوں کہ ہمیں مل کر کام کرنا چاہیے، میں ایوان سے متفقہ طور پر ساتھ دینے کی اپیل کرتا ہوں‘‘۔

29 Jul 2019, 11:20 AM

اسمبلی پہنچے یدی یورپا، آج ثابت کریں گے اکثریت

کرناٹک کے وزیر اعلی بی ایس یدی یورپا آج اسمبلی میں اکثریت ثابت کریں گے، اکثریت ثابت کرنے کے لئے یدی یورپا اسمبلی پہنچ گئے ہیں، تھوڑی دیر میں اسمبلی کی كارروائی شروع ہوگی۔ وہیں ودھان سبھا میں کانگریس اراکین کی میٹنگ چل رہی ہے، فلور ٹیسٹ کے دوران موجود رہنے کے لئے کانگریس نے اپنے تمام ممبران اسمبلی کے لئے وہپ جاری کیا ہے۔