کرناٹک: بی جے پی کارکن غیر قانونی طور پر گائے بیچنے کے لیے لے جانے کے الزام میں گرفتار

بنگلورو: کرناٹک پولیس نے بی جے پی کارکنوں سمیت 4 لوگوں کو ضلع میں دھرماستھلا تک گائیوں کی غیر قانونی نقل و حمل کے سلسلے میں گرفتار کیا ہے۔ پولیس نے جمعہ کو یہ جانکاری دی۔پولیس نے 6 گائیں اور دو بچھڑوں کو بچایا اور 3 گاڑیوں کو ضبط کر لیا۔

گرفتار شدگان کی شناخت بیل تھانگڈی تعلقہ کے مورٹجے کے رہنے والے پرمود سالیان، اولاگڈے کے پشپاراج، ارکل گڈ کے رہنے والے چنناکیشوا اور ہاسن ضلع کے ہولیناراسی پورہ کے رہنے والے سندیپ ہیرے بیلاگولی کے طور پر کی گئی ہے۔

پولیس کے مطابق پہلے دو ملزمان مبینہ طور پر بی جے پی کے کارکن ہیں۔ خفیہ اطلاع ملنے پر دھرم استھل پولیس نے غیر قانونی طور پر گائیوں کو لے جانے والی گاڑیوں کا سراغ لگایا۔ تحقیقات سے معلوم ہوا کہ جانوروں کو فروخت کے لیے لے جایا جا رہا تھا۔ معاملے کی جانچ جاری ہے۔