کرناٹک: بیکری میں داخل ہو کر 7 لوگوں نے تلوار سے کیا حملہ، ایک شخص ہلاک، ویڈیو وائرل

کرناٹک کے کوپل ضلع میں مبینہ جائیداد تنازعہ کو لے کر بیکری کی دکان میں زبردست ہنگامہ دیکھنے کو ملا۔ تقریباً 7 لوگوں نے بیکری کی دکان میں گھس کر ایک شخص پر تلوار سے حملہ کر دیا۔ اس حملہ میں متاثرہ شخص کی موت واقع ہو گئی۔ یہ جانکاری افسران نے 2 جون کو دی۔ اس واقعہ کی ویڈیو اب سوشل میڈیا پر تیزی کے ساتھ وائرل بھی ہو رہی ہے۔

واقعہ 31 مئی کو پیش آیا تھا جو کہ سی سی ٹی وی کیمرے میں قید ہو گیا۔ مہلوک کی شناخت چینپّا نرینال کی شکل میں ہوئی ہے۔ حملے کے وقت وہ شخص نے خود کو بچانے کے لیے بیکری کی طرف بھاگا۔ 2 لوگ اس پر تلوار سے حملہ کر رہے تھے، جبکہ ایک شخص نے متاثرہ کے سر پر لکڑی کے لٹھ سے حملہ کر دیا۔ متاثرہ جب حملے سے بچنے کی کوشش کر رہا تھا تو اس دوران کئی جسم پر کئی جگہ زخم کے نشان بھی نظر آئے۔

سی سی ٹی وی میں قید اس حملہ واقعہ میں دیکھا جا سکتا ہے کہ متاثرہ بچنے کے لیے بیکری کے اندر بھاگا اور ملزمین بھی اس کے پیچھے دوڑتے ہوئے بیکری میں پہنچ گئے۔ حملہ آوروں نے نرینال کو ہلاک کرنے کی کوشش کرنے لگے۔ کچھ سیکنڈ بعد ہی نرینال بیکری سے باہر کی طرف بھاگا، جہاں سے 3-2 لوگوں نے اس پر کئی بار تلوار سے حملہ کیا۔ واردات کو انجام دے کر ملزمین موقع سے فوراً فرار ہو گئے۔

پولیس نے اس معاملے میں 7 لوگوں کو گرفتار کر لیا ہے۔ ملزمین کی شناخت روی، پردیپ، منجوناتھ، ناگراج، منجوناتھ، گوتم اور پرمود کی شکل میں ہوئی ہے۔ پولیس کے مطابق پرانی دشمنی اور جائیداد تنازعہ کے سبب نرینال کا قتل کیا گیا ہے۔ واقعہ کی اطلاع ملنے کے بعد سینئر افسران نے جائے حادثہ کا معائنہ کیا۔ اس خوفناک واقعہ میں شامل دیگر لوگوں کو گرفتار کرنے کے مقصد سے پولیس نے تلاشی مہم شروع کر دی ہے۔