جماعت اسلامی ہند نے کی تیستا سیتلواڈ کی گرفتاری کی مذمت
جماعت اسلامی ہند کے نائب صدر سلیم انجینئر نے اتوار کو جاری کردہ ایک بیان میں کہا کہ انسانی حقوق کے کارکن مظلوم اور ستائے ہوئے لوگوں کے حقوق کے دفاع کے لیے کام کرتے ہیں۔
نئی دہلی: جماعت اسلامی ہند (جے آئی ایچ) نے انسانی حقوق کی کارکن تیستا سیتلواڈ کی گجرات پولیس کے ہاتھوں گرفتاری کی شدید مذمت کی ہے۔ جماعت اسلامی ہند کے نائب صدر سلیم انجینئر نے اتوار کو جاری کردہ ایک بیان میں کہا کہ انسانی حقوق کے کارکن مظلوم اور ستائے ہوئے لوگوں کے حقوق کے دفاع کے لیے کام کرتے ہیں۔ تیستا سیتلواڈ اور ان کی این جی او - سٹیزن فار جسٹس اینڈ پیس (سی جے پی) نے 2002 میں گجرات میں مسلم مخالف فسادات کے متاثرین کو قانونی مدد فراہم کی۔ یہ ان کے کام کی وجہ سے فساد متاثرین کی ایک بڑی تعداد کو انصاف ملا اور ملزموں کو گرفتار کیا گیا۔
تیستا سیتلواڈ کی این جی او کی کوششوں کی وجہ سے اس وقت کی مرکزی حکومت کو بڑی تعداد میں لوگوں کو مالی معاوضہ ادا کرنے پر مجبور کیا جو دہلی میں 1984 کے فسادات کے سکھ متاثرین کو دیئے گئے معاوضے کے برابر تھا۔
ایسی خاتون کو محض اس لیے نشانہ بنانا کہ اس کی سرگرمیوں سے سیاست اور حکومت کے چند لوگوں کو کچھ پریشانیاں ہو سکتی ہیں، اس سے نہ صرف ملک کے جمہوری نظام کو خطرہ لاحق ہوگا بلکہ اس سے انسانی حقوق کی تنظیموں اور افرادی قوت بھی کمزور ہوگی۔ غیر سرکاری تنظیم یا کارکنان حکومت اور انتظامیہ کے مخالف یا دشمن نہیں ہوتے ہیں بلکہ ان کا کام لوگوں کو انصاف کی فراہمی میں حکومت کی مدد کرنا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔