عراق: داعش کے حملہ میں 12 پولیس اہلکار ہلاک

داعش نے تال السطیح گاؤں میں وفاقی پولیس کی 19 ویں بریگیڈ کی دوسری رجمنٹ پر حملہ کیا۔ اس حملے میں تین اہلکار زخمی بھی ہوگئے ہیں۔

تصویر آئی اے این یس
تصویر آئی اے این یس
user

یو این آئی

بغداد: عراق کے شمالی صوبے کرکک میں عسکریت پسند تنظیم دولت اسلامیہ (داعش) کے جنگجو گروپ کے حملے میں بارہ پولیس افسران ہلاک ہو گئے ہیں۔ شفق نیوز ایجنسی نے سیکورٹی ذرائع کے حوالے سے یہ اطلاع دی۔ خبر رساں ادارے نے اتوار کی صبح کے اوقات میں سات پولیس افسران کی ہلاکت کی اطلاع دی تھی۔ داعش نے تال السطیح گاؤں میں وفاقی پولیس کی 19 ویں بریگیڈ کی دوسری رجمنٹ پر حملہ کیا۔ اس حملے میں تین اہلکار زخمی بھی ہوگئے ہیں۔

امریکی وزیر خارجہ انٹونی بلنکن نے 29 اگست کو عراقی صدر برہم صالح کو یقین دلایا تھا کہ داعش کے خلاف مہم ختم نہیں ہوئی بلکہ ایک نئے مرحلے میں داخل ہو رہی ہے۔ اس وقت عراق میں 2500 امریکی فوجی مقامی فورسز کی مدد کر رہے ہیں تاکہ دہشت گرد گروہ کا مقابلہ کیا جا سکے۔


دوسری جانب امریکی صدر جو بائیڈن نے جولائی میں کہا تھا کہ عراق میں امریکی جنگی مشن 2021 کے اختتام تک ختم ہو جائے گا اور توقع ہے کہ امریکہ اس وقت تک آئی ایس کا مقابلہ کرنے کے لیے عراقی افواج کو تربیت اور مدد فراہم کرے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔