خوردنی تیل میں 366 روپے کا اچھال، دال، گڑ، چینی اور اناج مہنگے

عالمی سطح کی گراوٹ کے باوجود گھریلو مارکیٹ میں خوردنی تیل کی قیمتوں میں اضافہ رہا۔ سورج مکھی کا تیل 366 روپے، سبزیوں کا تیل 146روپے، سرسوں کا تیل 74روپے اور سویا ریفائنڈ 73 روپے فی کوئنٹل مہنگا ہوگیا۔

علامتی تصویر / یو این آئی
علامتی تصویر / یو این آئی
user

یو این آئی

نئی دہلی: غیرملکی منڈیوں میں گراوٹ کے باوجود گزشتہ ہفتے مقامی سطح پر مانگ بڑھنے سے دہلی ہول سیل کموڈٹی مارکیٹ میں خوردنی تیل میں 366 روپے فی کوئنٹل تک اچھال رہا اور دال، گڑ، چینی اور اناج مہنگے ہو گئے۔ تیل تلہن عالمی سطح پر ملائیشیا کے برسا ملائیشیا ڈیریویٹیوزایکسچینج میں پام آئل زیرجائزہ ہفتے کے دوران 25 رنگٹ کم ہو کر 4432 رنگٹ فی ٹن رہ گیا۔ وہیں دسمبر کا امریکی سویا آئل ایک سینٹ کم ہو کر اختتام پزیر ہفتے میں 59.01 سینٹ فی پاؤنڈ رہ گیا۔

عالمی سطح کی گراوٹ کے باوجود گھریلو مارکیٹ میں خوردنی تیل کی قیمتوں میں اضافہ رہا۔ سورج مکھی کا تیل 366 روپے، سبزیوں کا تیل 146 روپے، سرسوں کا تیل 74 روپے اور سویا ریفائنڈ 73 روپے فی کوئنٹل مہنگا ہوگیا۔ جبکہ مونگ پھلی کا تیل 366 روپے فی کوئنٹل سستا ہوگیا۔ تاہم زیر جائزہ ہفتے میں پام آئل کی قیمت میں استحکام دیکھا گیا۔ اختتام پذیر ہفتے میں سرسوں کا تیل 18388 روپے، مونگ پھلی کا تیل 17582 روپے، سورج مکھی کا تیل 17948 روپے، سویا ریفائنڈ 15970 روپے، پام آئل 12967 روپے اور سبزیوں کا تیل 13919 روپے فی کوئنٹل رہا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔