کانگریس نے آگرہ میں مرنے والے صفائی ملازم کے لواحقین کو 30لاکھ روپے دیئے

کانگریس کی جنرل سکریٹری پرنیکا گاندھی نے جمعرات کو لکھنو میں واقع رہائش گاہ پر آگرہ میں پولیس حراست میں مرنے والے صفائی ملازم ارون بالمیکی کے رشتہ داروں سے ملاقات کرکے انصاف کا یقین دلایا۔

بعد میں ایک پریس کانفرنس کرکے پارٹی کے ریاستی صدر اجے کمار للو اور قومی سکریٹری روہت چودھری نے مرنے والے کے کنبہ کو پارٹی کی طرف سے 30لکھ روپے کی معاوضہ کی رقم کا چیک سونپا۔

خیال رہے کہ 19اکتوبر کو آگرہ میں پولیس کی حراست میں ارون والمیکی کی موت ہوگئی تھی۔پرینکا نے آگرہ جاکر کنبہ کے ساتھ تعزیت کااظہار کرتے ہوئے ان کو انصاف لانے کی لڑائی میں پورا ساتھ دینے کا وعدہ کیا تھا۔ انہوں نے پارٹی کی طرف سے تیس لاکھ روپے کی امدادی رقم دینے کا وعدہ کیا تھا۔

پرینکا نے کہاکہ ارون بالمیکی کے کنبہ کو انصاف دلانے کے لئے یوگی حکومت نے کچھ بھی نہیں کیا لیکن وہ انصاف کی آواز کو دبنے نہیں دیں گی۔ انہو ں نے الزام لگایا کہ حکومت متاثرین کو تحفظ دینے کے بجائے ان پر ہی حملہ کرتی ہے۔