راجستھان میں اب تک ایک کروڑ 74 لاکھ 41 ہزار سے زیادہ لوگوں کو لگے کورونا کے ٹیکے

یکم مئی سے 18 سے 44 سال تک کے لوگوں کے لئے شروع کیے گئے ویکسینیشن میں اب تک 18 لاکھ 53 ہزار 431 افراد کو پہلی خوراک مل چکی ہے۔

تصویر یو این آئی
تصویر یو این آئی
user

یو این آئی

جے پور: راجستھان میں عالمی وبائی امراض کی روک تھام کے لئے کی جارہی ویکسینیشن کے تحت اب تک ایک کروڑ 74 لاکھ 41 ہزار سے زیادہ کورونا ویکسین لگائی جا چکی ہیں۔ محکمہ میڈیکل کے مطابق جمعہ تک ریاست میں کورونا ویکسین کے پہلے اور دوسرے ایک کروڑ 74 لاکھ 41 ہزار 995 ٹیکے لگ چکے ہیں۔ ہفتے کے روز ایک لاکھ 67 ہزار 788 ویکسین لگائی گئیں۔

اب تک کے ٹیکوں میں ایک کروڑ 40 لاکھ 91 ہزار 739 پہلی خوراک جبکہ 33 لاکھ 50 ہزار 256 دوسری خوراک دی گئی ہے۔ اس دوران 60 سال سے زیادہ عمر کے 54 لاکھ 28 ہزار 786 افراد کو اس کی پہلی خوراک دی چکی ہے اور 17 لاکھ آٹھ ہزار 728 افراد کو اس کی دوسری خوراک دی گئی ہے۔ ہفتے کے روز ان عمروں کے 21 ہزار 693 افراد کو کورونا کی پہلی خوراک ملی جبکہ 13 ہزار 188 افراد کو اس کی دوسری خوراک دی گئی۔


اسی طرح 45 سے 59 سال عمر کے 57 لاکھ 48 ہزار 175 افراد کو پہلی خوراک دی گئی ہے جبکہ آٹھ لاکھ 57 ہزار 81 افراد کو دوسری خوراک دی گئی ہے۔ ہفتے کے روز 45 سے 59 سال کی عمر کے 98 ہزار 857 افراد نے پہلی خوراک لگوائی جبکہ 12 ہزار 901 افراد نے دوسری خوراک لی۔ یکم مئی سے 18 سے 44 سال تک کے لوگوں کے لئے شروع کیے گئے ویکسینیشن میں اب تک 18 لاکھ 53 ہزار 431 افراد کو پہلی خوراک مل چکی ہے۔ ہفتے کے روز 18 سے 44 سال کی عمر میں 13 ہزار 842 افراد کو کورونا ویکسین کی پہلی خوراک ملی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔