بنگال میں چھٹے مرحلے کی پولنگ کل، چار اضلاع کے 43 اسمبلی حلقے میں ڈالے جائیں گے ووٹ

پولنگ اسٹیشنوں کی کل تعداد 14,480 ہے۔ ووٹنگ کے دوران، نگرانی کے لئے 28 جنرل مبصرین، 13 خصوصی پولیس سپروائزر اور 13 اخراجات کے نگران افراد کو مقرر کیا گیا ہے۔

بنگال انتخابات / آئی اے این ایس
بنگال انتخابات / آئی اے این ایس
user

یو این آئی

کولکاتا: مغربی بنگال کے چار اضلاع شمالی دیناج پور، ندیا، شمالی24 پرگنہ اور مشرقی بردوان کے 43 حلقوں میں چھٹے مرحلے کے تحت 22 اپریل کو پولنگ ہوگی۔ شمالی 24پرگنہ کی 17سیٹوں پر،شمالی دیناج اور ندیا کی 9سیٹوں پر اور مشرقی بردوان کی 8سیٹوں پر پولنگ ہوگی۔307امیدواروں کی قسمت کا فیصلہ ایک کروڑ تین لاکھ آٹھ ہزار 791 ووٹرس کریں گے۔

ترنمول کانگریس اور بی جے پی نے تمام 43 اسمبلی حلقوں میں امیدوار کھڑے کیے ہیں۔ پولنگ اسٹیشنوں کی کل تعداد 14,480 ہے۔ ووٹنگ کے دوران ، نگرانی کے لئے 28 جنرل مبصرین، 13 خصوصی پولیس سپروائزر اور 13 اخراجات کے نگران افراد کو مقرر کیا گیا ہے۔ الیکشن کمیشن کی جانب سے دی گئی معلومات کے مطابق اب تک 52 کروڑ، 38 لاکھ نقد رقم برآمد ہوئی ہے، جبکہ 33 کروڑ، 27 لاکھ روپے مالیت کی غیر قانونی شراب ضبط کرلی گئی ہے۔ 119 کروڑ روپے کی منشیات ضبط کرلی گئی ہیں۔


ووٹنگ کے چھٹے مرحلے کے دوران بہت سے ہیوی ویٹ امیدواروں کی قسمت کا فیصلہ کیا جائے گا۔ ان میں بی جے پی کے قومی نائب صدر مکل رائے، بی جے پی کے سینئر لیڈر راہل سنہا، ممتا بنرجی کے وزیر جیوتری پریہ ملک، ریاستی وزیر چندریما بھٹاچاریہ، فلم ڈائریکٹر راج چکورورتی، کوسانی مکھرجی سمیت دیگر شامل ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔