دہلی میں گرج چمک اور بارش کی پیشن گوئی، ایلرٹ جاری

جمعہ یعنی کل  کو قومی دارالحکومت میں بارش کے ساتھ تیز ہوائیں چلنے کی توقع ہے۔ محکمہ موسمیات نے جمعہ کے لیے 'یلو' اور 'اورینج' ایلرٹ جاری کر دیا ہے۔ ہندوستانی محکمہ موسمیات (آئی ایم ڈی) نے کہا کہ بدھ  یعنی 28 مئی کو دہلی میں زیادہ سے زیادہ درجہ حرارت 38.6 ڈگری سیلسیس ریکارڈ کیا گیا، جو موسم کی اوسط سے 1.8 ڈگری کم ہے۔ کم از کم درجہ حرارت 27.7 ڈگری سیلسیس ریکارڈ کیا گیا جو اس موسم کے عام درجہ حرارت سے 1.1 ڈگری زیادہ ہے۔

آئی ایم ڈی نے عام طور پر ابر آلود آسمان، ہلکی سے درمیانی بارش اور گرج چمک کے ساتھ بارش اور 50-60 کلومیٹر فی گھنٹہ کی رفتار سے تیز ہواؤں کی پیشن گوئی کی ہے۔جمعرات  یعنی آج گرج چمک کے ساتھ ہوا کی رفتار عارضی طور پر 70 کلومیٹر فی گھنٹہ تک پہنچنے کا امکان  بتایا جا رہا ہے۔ محکمہ موسمیات نے جمعہ کو دہلی کے لیے 'اورینج' ایلرٹ جاری کیا ہے۔ آئی ایم ڈی کے مطابق، 'اورینج' ایلرٹ کا مطلب ہے کہ رہائشیوں کو چوکنا رہنا چاہیے اور ممکنہ طور پر خراب موسم کے لیے تیار رہنا چاہیے۔

دریں اثنا، مرکزی آلودگی کنٹرول بورڈ (CPCB) کے اعداد و شمار کے مطابق، شہر کی ہوا کا معیار "اعتدال پسند" زمرے میں درج کیا گیا ۔ ایئر کوالٹی انڈیکس (AQI) شام 4 بجے 151 تھا۔ صفر اور 50 کے درمیان AQI کو "اچھا"، 51 سے 100 "اطمینان بخش"، 101 سے 200 "اعتدال پسند"، 201 سے 300 "ناقص"، 301 سے 400 "انتہائی خراب" اور 401 سے 500 "شدید" سمجھا جاتا ہے۔