پنجاب میں عآپ کی حکومت بنی تو سب کو ملے گا مفت علاج: کیجریوال

کیجریوال نے اپنے بیان میں کہا کہ ’’ہم جھوٹ نہیں بولتے، کل میں نے یہاں کے تاجروں سے ملاقات کی، تاجروں کے ساتھ مل کر ہم نے پنجاب کی ترقی کے لیے ایک بلیو پرنٹ تیار کیا ہے۔‘‘

اروند کیجریوال
اروند کیجریوال
user

یو این آئی

نئی دہلی/پنجاب: عام آدمی پارٹی (اے اے پی) کے قومی کنوینر اور دہلی کے وزیر اعلیٰ اروند کیجریوال نے کہا ہے کہ اگر پنجاب میں اے اے پی کی حکومت بنتی ہے تو وہ ہر شخص کو پرائیویٹ اسپتالوں جیسا علاج دیں گے اور سرکاری اسپتالوں میں تمام دوائیں، ٹیسٹ، آپریشن مفت ہوں گے، اروند کیجریوال نے لدھیانہ، پنجاب میں صحافیوں سے کہا کہ آج سے پانچ سال پہلے پنجاب کے لوگوں نے بڑی امیدوں کے ساتھ کانگریس پارٹی کی حکومت بنائی تھی، لیکن آج حکومت کے نام پر کچھ نظر نہیں آرہا ہے۔ کانگریس کے لوگوں نے حکومت کا تماشا بنا دیا ہے۔ اقتدار کے لیے گندی لڑائی جاری ہے۔ ہر کانگریس لیڈر وزیراعلیٰ بننا چاہتا ہے۔ آپس میں ایسی شدید لڑائی جاری ہے کہ حکومت مکمل طور پر غائب ہے۔

لوگوں کو سمجھ نہیں آ رہا ہے کہ ہمیں اپنے مسائل کے ساتھ کس کے پاس جانا چاہیے۔ ایک طرف جہاں اقتدار کے لیے گندی لڑائی جاری ہے، دوسری پارٹیوں میں کرپشن اور اقتدار کا گھٹیا ناچ جاری ہے، دوسری طرف ایک عام آدمی پارٹی ہے، جو پنجاب اور پنجابیوں کی ترقی کے لیے دن رات منصوبہ بندی کر رہی ہے۔ اب سب کہہ رہے ہیں اور پورا پنجاب تیار ہے کہ انتخابات کے بعد پنجاب میں عام آدمی پارٹی کی حکومت بنے گی۔


حکومت بننے کے بعد ہم کیا کریں گے؟ اس کی مکمل منصوبہ سازی جاری ہے۔ ابھی کچھ دن پہلے میں نے کہا تھا کہ ہم 300 یونٹ بجلی مفت دیں گے، ہم 24 گھنٹے بجلی دیں گے، ہم کسانوں کی بجلی معاف کریں گے، ہم پرانے بل معاف کر دیں گے، ہم نے یہ کام دہلی میں کرکے دکھایا ہے۔ ہم جھوٹ نہیں بولتے۔ کل میں نے یہاں کے تاجروں سے ملاقات کی۔ تاجروں کے ساتھ مل کر ہم نے پنجاب کی ترقی کے لیے ایک بلیو پرنٹ تیار کیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔