ممبئی کا حیات ریجنسی بند، تنخواہیں دینے کے لئے پیسہ نہیں

کورونا وبا نے صرف انسانوں کو بیمار نہیں کیایاان کی جان نہیں لی بلکہ اس نےلوگوں کو معاشی طورپر بھی بری طرح متاثر کیا ہے۔ زندگی کے کئی شعبہ حیات بری طرح متاثر ہیں ، کئی صنعتیں بری طرح متاثر ہیں جس میں سیاحت ایک صنعت ہے اور سیاحت سے جڑی ہوٹل کی صنعت بری طرح متاثر ہے۔ ممبئی سےخبر آئی ہے کہ حیات ریجنسی ممبئی نےپیسہ کی کمی کی وجہ سےاپنےتمام آ پریش عارضی طور پرمعطل کر دئے ہیں۔

واضح رہےحیات ریجنسی ممبئی کےمالک نےبیان میں کہا ہے کہ اگلےنوٹس تک ہوٹل بند رہے گا کیونکہ ایشین ہوٹلس (ویسٹ) سے کوئی فنڈ نہیں مل رہا ۔ نوٹس میں کہا گیا ہے’’ہوٹل کےاسٹاف کو مطلع کیا جاتا ہےکہ ایشین ہوٹلس (ویسٹ ) لمیٹڈ سے حیات ریجنسی ممبئی کےپاس تنخواہیں دینےکےلئےاور ہوٹل میں آپریشن چلانے کےلئےکوئی فنڈ نہیں آ رہا ہے۔‘‘ہوٹل کےتمام آپریشن عارضی طور پر فوری معطل کر دئے گئےہیں اور ہوٹل اگلےنوٹس تک بند رہےگا۔ حیات کے تمام بکنگ چینلس پر ریزرویشن دستیاب نہیں ہوگا۔

انڈیا حیات کےکنٹری ہیڈ اور نائب صدر سنجےشرما کا کہنا ہےکہ ’’ہمارےساتھی اور مہمان ہماری سب سےبڑی ترجیح ہیں ، ہم ہوٹل مالکان سےصورتحال کو حل کرنےکےلئے بات چیت کر رہےہیں ۔‘‘