ورما۔استھانا معاملہ کی جانچ سپریم کورٹ کے ریٹائرڈ جج کے کرانے کا حکم

سی بی آئی سربراہ آلوک ورما کی عرضی سپریم کورٹ میں جاری ہے۔ سپریم کورٹ کے چیف جسٹس رنجن گوگوئی نے کہا، سی وی سی، مرکز اور سی بی آئی کے خصوصی ڈائریٹر راکیش استھانہ کو نوٹس جاری کر دیا ہے اور معاملہ کی سماعت کے لئے 12 نومبر کی تاریخ مقرر کر دی ہے۔

چیف جسٹس آف انڈیا رنجن گوگوئی نے اٹارنی جنرل سے کہا کہ سارے معاملہ کی جانچ سپریم کورٹ کے موجودہ یا سابق جج سے کرائی جائے اور یہ جانچ 10 دن کے اندر مکمل ہونی چاہئے۔ جانچ کی مدت کے دوران سی بی آئی کے موجودہ کارگزار ناگیشرو کوئی پالیسی سے متعلق فیصلہ نہی لیں۔

اس پر اٹارنی جنرل تشار مہتا نے عدالت عظمی سے کہا کہ چانچ کے لئے 10 دن کافی نہیں ہے۔ اس علاوہ جانچ کسی سپریم کورٹ کے جج کی سربراہی میں کرائے جانے کی بھی انہوں نے مخالفت کی۔

سپریم کورٹ میں آلوک ورما کی جانب سے پھالی نریمن نے بحث کا آغاز کر دیا ہے۔ انہوں نے عدالت عظمی سے گزارت کی ک سی وی سی (سینٹرل وجیلنس کمیشن) اور مرکزی حکومت نے جو حکم جاری کیا ہے اس کا قانوناً مرکزی حکومت کو اختیار نہیں ہے۔

سی بی آئی کے خصوصی سربراہ راکیش استھانہ بھی مودی حکومت کے انہیں چھٹی پر بھیجنے کے فیصلے کو چیلنج کرنے کے لئے سپریم کورٹ پہنچ چکے ہیں۔ استھانہ کی عرضی ایڈوکیٹ امت آنند تیواری نے داخل کی ہے۔

ملک کی سب سے بڑی تفتیشی ایجنسی سی بی آئی کا گھمسان اب ملک کی سب سے بڑی عدالت کے در پر پہنچ گیا ہے۔ مودی حکومت کی طرف سے چھٹی پر بھیجنے گئے سی بی آئی کے سربراہ آلوک ورما اور ایک این جی او کی عرضیوں پر سپریم کورٹ کچھ ہی دیر میں سماعت کرنے جا رہا ہے۔ان دو عرضیوں کے علاوہ سپریم کورٹ کے سینئر ایڈوکیٹ پرشانت بھوشن کی عرضی پر بھی سپریم کورٹ میں سماعت ہو سکتی ہے۔

آلوک ورما نے اپنی عرضی میں مودی حکومت کی طرف سے انہیں چھٹی پر بھیجے جانے کے فیصلہ کو چیلنج کیا ہے۔ آلوک ورما کا کہنا ہے کہ وہ کئی حساس نوعیت کے معاملات کی تفتیش کر رہے تھے جن سے ان کا ہٹایا جانا مناسب نہیں ہے۔

یہ بھی پڑھیں: سی بی آئی سربراہ ورما کی برطرفی کے خلاف کانگریس ملک گیر احتجاج

کانگریس کا الزام ہے کہ آلوک ورما رافیل سودے کی جانچ کا حکم دینے والے تھے اس لئے انہیں مودی حکومت نے چھٹی پر بھیج دیا ہے۔ کانگریس آلوک ورما کی طررفی کے خلاف آج ملک گیر احتجاج بھی کر رہی ہے۔