حکومت قومی معاملات پر دھوکہ دے رہی ہے: کانگریس

کانگریس ترجمان ابھیشیک منو سنگھوی نے اس تعمیراتی کام کی فوٹو دکھاتے ہوئے دعوی کیا کہ جو زمین کچھ مہینے قبل خالی تھی وہاں اب عمارت بن گئی ہے۔

ابھیشیک منو سنگھوی / ویڈیو گریب
ابھیشیک منو سنگھوی / ویڈیو گریب
user

یو این آئی

نئی دہلی: کانگریس نے کہا کہ چین ہماری سرحد میں دراندازی کرکے تعمیراتی کام کر رہا ہے لیکن حکومت حقیقت چھپا رہی اور جھوٹ بول کر ملک کو گمراہ کیا جا رہا ہے، کانگریس کے ترجمان ابھیشیک منو سنگھوی نے اتوار کو یہاں پارٹی ہیڈکوارٹر میں منعقدہ اسپیشل پریس کانفرنس میں کہا کہ چین اروناچل پردیش میں ہندوستانی سرحد میں 6-7 کلومیٹر کے اندر تعمیراتی کام کرکے گاوں آباد کر رہا ہے، لیکن وزیر دفاع راجناتھ سنگھ اصلیت پر پردہ ڈال کر کہتے ہیں کہ ملک کی سرحد میں کسی کو بھی آنے کی اجازت نہیں دی جائے گی۔

انہوں نے کہا کہ چین نے جنوری میں جس جگہ گاوں آباد کیا تھا اس سے 93 کلومیٹر دور ہاور ندوستانی سرحد میں چھ سات کلومیٹر اندر گاوں آباد کر دیا ہے، لیکن وزیراعظم نریندر مودی اس بارے میں خاموشی اختیار کئے ہوئے ہیں اور حکومت کی طرف سے متضاد بیانات آ رہے ہیں۔


کانگریس ترجمان ابھیشیک منو سنگھوی نے اس تعمیراتی کام کی فوٹو دکھاتے ہوئے دعوی کیا کہ جو زمین کچھ مہینے پہلے خالی تھی وہاں اب عمارت بن گئی ہے۔ دنیا کی اہم ایجنسیاں سیٹلائٹ تصاویر دے کر بتا رہی ہیں کہ چین دراندازی کر رہا ہے لیکن حکومت حقیقت چھپا رہی ہے۔

ابھیشیک منو سنگھوی نے حکومت سے قومی سلامتی کے معاملے پر ملک کے عوام کو گمراہ نہیں کرنے کی درخواست کر تے ہوئے کہا کہ چین کے خلاف حکمت عملی بنانے میں سب کو ساتھ لے کر چلنے کی ضرورت ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔