تمل ناڈو میں بکرا چوروں نے پولیس افسر کو کیا قتل

لاش کو پوسٹ مارٹم کے لیے تروچیراپلی کے سرکاری میڈیکل کالج اسپتال لے جایا گیا۔ پولیس نے آس پاس کے علاقوں سے سی سی ٹی وی فوٹیج اکٹھی کر لی ہے اور ملزمان کی شناخت کی جا رہی ہے۔

قتل، علامتی تصویر آئی اے این ایس
قتل، علامتی تصویر آئی اے این ایس
user

یو این آئی

پڈوکوٹائی: تمل ناڈو میں اتوار کی علی الصبح تروچیراپلی-پڈوکوٹائی قومی شاہراہ پر پلاتھوپتی گاؤں کے قریب بکرا چوروں نے ایک اسپیشل سب انسپکٹر آف پولیس ( ایس ایس آئی) کو بے دردی سے قتل کر دیا۔ پولیس نے بتایا کہ متوفی ایس ایس آئی ایس بھومی ناتھن (56) قریب ہی واقع تروچیراپلی ضلع کے نوالپٹو پولیس اسٹیشن میں کام کر رہے تھے۔ اپنے دائرہ کار میں رات کے گشت کے دوران اس نے دیکھا کہ کچھ لوگ مل کر بکرے چرا رہے ہیں۔

پولیس کے پہنچتے ہی چوروں کا ٹولہ وہاں سے موٹر سائیکل پر فرار ہو کر پڈوکوٹائی ضلع میں داخل ہو گیا۔ ایس ایس آئی نے اپنی بائیک پر ان کا پیچھا کیا اور دو بدمعاشوں کو گھیر لیا، جب کہ دوسرے بدمعاشوں نے اپنے ساتھیوں کو بچانے کی کوشش میں اس پر کلہاڑی سے حملہ کیا، جس سے وہ بری طرح زخمی ہوکر گر گئے، اور فوراً ہی انہوں نے دم توڑ دیا۔ ان کے پسماندگان میں اہلیہ اور ایک بیٹا ہے۔ سنٹرل زون کے انسپکٹر جنرل آف پولیس وی بالا کرشنن نے جائے وقوعہ کا دورہ کیا اور لوگوں سے پوچھ گچھ کی۔


لاش کو پوسٹ مارٹم کے لیے تروچیراپلی کے سرکاری میڈیکل کالج اسپتال لے جایا گیا۔ پولیس نے آس پاس کے علاقوں سے سی سی ٹی وی فوٹیج اکٹھی کر لی ہے اور ملزمان کی شناخت کی جا رہی ہے۔ ان کی گرفتاری کے لیے چار خصوصی ٹیمیں تشکیل دی گئی ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔