پٹرول اور ڈیزل کی قیمتوں میں پھر لگی آگ، جانیں آج کے دام

گھریلو بازار کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول 35 پیسے مہنگا ہوکر 87.30 روپے فی لیٹر تک پہنچ گیا۔

پٹرول اور ڈیزل کی قیمتوں میں مزید اضافہ
پٹرول اور ڈیزل کی قیمتوں میں مزید اضافہ
user

یو این آئی

نئی دہلی: پٹرول اور ڈیزل کی قیمتیں مسلسل تین روز تک مستحکم رہنے کے بعد منگل کے روز مزید بڑھ گئیں۔ ملک میں پٹرول اور ڈيزل کی قیمتیں اس وقت ریکارڈ سطح پر ہیں۔ دہلی کو چھوڑ کر دیگر شہروں میں ڈیزل کی قیمت بھی بلند ترین سطح پر ہے۔

گھریلو بازار کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول 35 پیسے مہنگا ہوکر 87.30 روپے فی لیٹر تک پہنچ گیا۔ ممبئی میں آج پٹرول کی قیمت میں 34 پیسے اضافے کے ساتھ 93.83 روپے ہے جبکہ کولکاتہ میں یہ 33 پیسے اضافے سے 88.63 روپے فی لیٹرکی بلند ترین سطح پر پہنچ گئی ہے۔


چنئی میں پٹرول کی قیمت میں 31 پیسے کا اضافہ ہوا ہے، جہاں ایک لیٹر پٹرول 89.70 روپے میں فروخت ہو رہا ہے۔ ممبئی میں پہلی بار پیٹرول 93 روپے اور چنئی میں 89 روپے فی لیٹر کے پار ہوا ہے۔ دہلی میں ڈیزل کی قیمت 35 پیسے اضافے کے ساتھ 77.48 روپے فی لیٹر ہوگئی جو 30 جولائی 2020 کے بعد ریکارڈ بلند سطح ہے۔ ڈیزل کی قیمت ممبئی میں 37 پیسے اضافے کے ساتھ 84.36 روپے، چنئی میں 33 پیسے اضافے کے ساتھ 82.66 روپے اور کولکاتہ میں 35 پیسے کے اضافے کے ساتھ 81.06 روپے فی لیٹر ہوگئی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔