برطانیہ میں مقیم ہندی اسکالر فرانسسکا اورسینی کو ویزا کی خلاف ورزی پر ہندوستان نے ڈی پورٹ کیا

خبروں کے مطابق، برطانیہ میں مقیم ہندی اسکالر اور اسکول آف اورینٹل اینڈ افریقن اسٹڈیز(ایس او اےایس)، لندن یونیورسٹی میں پروفیسر ایمریٹس فرانسسکا اورسینی کو 20 اکتوبر کو ہندوستان میں داخلے سے منع کر دیا گیا تھا اور ویزہ کی مبینہ خلاف ورزیوں پر دہلی سے ڈی پورٹ کر دیا گیا تھا۔

ہانگ کانگ سے آنے والی اورسینی کو مارچ 2025 سے ویزا قوانین کی خلاف ورزی پر بلیک لسٹ کیا گیا تھا۔ وزارت داخلہ کے ایک ذریعہ نے خبر رساں ایجنسی کے حوالے سے بتایا کہ وہ سیاحتی ویزے پر سفر کر رہی تھیں، جسے حکام نے بتایا کہ اس نے پہلے تعلیمی سرگرمیوں کے لیے غلط استعمال کیا تھا۔ فرانسیکا اورسینی سیاحتی ویزا پر تھیں لیکن ویزا کی شرائط کی خلاف ورزی کر رہی تھیں۔ یہ معیار عالمی عمل ہےکہ جو بھی ویزا کے اصولوں کی خلاف ورزی کرتا پایا گیا اسے بلیک لسٹ کیا جا سکتا ہے۔

انہیں  ہانگ کانگ ڈی پورٹ کر دیا گیا کیونکہ ان کے سفر کا مقصد اس کے ویزا کیٹیگری سے میل نہیں کھاتا تھا۔ تاہم، اورسینی نے حکام کو بتایا کہ اس کے پاس پانچ سالہ ویزا ہے۔اس کی جلاوطنی پر ردعمل ظاہر کرتے ہوئے، مورخ رام چندر گوہا نے اورسینی کو ہندوستانی ادب کا ایک عظیم اسکالر قرار دیا، "جن کے کام نے ہمارے اپنے ثقافتی ورثے کے بارے میں ہماری سمجھ کو بھرپور طریقے سے روشن کیا ہے"۔گوہا نے ایکس پر لکھا، "بغیر کسی وجہ کے اسے ملک بدر کرنا ایک ایسی حکومت کا نشان ہے جو غیر محفوظ، بے وقوف اور احمق بھی ہے۔"

ایک جانب ہندوستانی حکومت ہندی کا دم بھر رہی ہے اور دوسری جانب ہندی اسکالر کو ملک بدر کر رہی ہے۔ اورسینی نے مبینہ طور پر آخری بار اکتوبر 2024 میں ہندوستان کا دورہ کیا تھا۔ یہ واقعہ برطانوی ماہر تعلیم نتاشا کول کے معاملے سے مماثلت رکھتا ہے، جسے اس سال کے شروع میں بنگلورو سے ملک بدر کر دیا گیا تھا اور بعد میں اس کا او سی آئی کارڈ منسوخ کر دیا گیا تھا۔