ہندوستان میں پھر 4 لاکھ سے زیادہ کورونا کے نئے معاملہ، 4133 افراد کی اموات

جن ریاستوں میں کورونا کے معاملوں کی تعداد کم تھی وہاں تعداد میں اضافہ ہوا، جس کی وجہ سے گزشتہ روز بھی کورونا معاملوں کی تعداد 4 لاکھ سے زیادہ رہی۔

فائل تصویر
فائل تصویر
user

قومی آوازبیورو

گزشتہ روز چوتھا دن تھا جب ہندوستان میں کورونا کے نئے معاملوں کی تعداد 4 لاکھ سے زیادہ رہی۔ ورلڈو میٹر پر جاری اعداد و شمار کے مطابق گزشتہ روز اس وبا سے 4133 افراد کی موت ہوئی۔ اس وبا کو لے کر لوگوں میں خوف مستقل بڑھ رہا ہے اور حکومت کے انتظامات سے ناخوش نظر آ رہے ہیں۔

گزشتہ روز ملک کی کئی ریاستوں میں جہاں کورونا کے معاملوں کی تعداد زیادہ تھی وہاں کچھ کم ہوئی ہے لیکن اس کے برعکس جن ریاستوں میں کورونا کے معاملوں کی تعداد کم تھی وہاں تعداد میں اضافہ ہوا ہے جس کی وجہ سے گزشتہ روز بھی کورونا کے کل معاملوں کی تعداد 4 لاکھ سے زیادہ رہی۔


مہاراشٹر میں کورونا کے نئے معاملوں میں واضح کمی درج ہوئی ہے۔ ادھر میڈیکل کے معروف جریدہ ’لینسیٹ‘ نے نہ صرف حکومت کی سخت الفاظ میں تنقید کی ہے بلکہ ایک اندازہ بھی شائع کیا ہے جس میں کہا گیا ہے کہ یکم اگست تک ہندوستان میں دس لاکھ تک اموات ہوسکتی ہیں۔

واضح رہے سرکاری اعداد و شمار کچھ بھی کہیں، لیکن حقیقت یہ ہے کہ متاثرین کی تعداد بھی بہت زیادہ ہے اور اموات کی تعداد بھی بہت زیادہ ہے جس کا اندازہ شمشان اور قبرستان میں بھاری بھیڑ سے اور انتقال کے سرٹیفیکیٹ لینے والوں کی تعداد سے لگایا جا سکتا ہے۔ کورونا متاثرین کی تعداد کا اس بات سے اندازہ لگایا جا سکتا ہے کہ اسپتالوں میں مریضوں کو جگہ نہیں مل رہی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔