دہلی میں ابھی اسکول نہیں کھلیں گے

والدین اور بچوں میں خوف ہے کہ اسکول کھلنے پر انفیکشن بڑھ سکتا ہے۔ بیشتر اساتذہ اور بچوں کے والدین کی رائے ہے کہ اسکول ابھی بند ہی رکھے جانے چاہیے۔

تصویر یو این آئی 
تصویر یو این آئی
user

یو این آئی

دارالحکومت میں کورونا وائرس کے ریکارڈ توڑ نئے معاملےآنےکےبعد اور آب وہوا میں زبردست آلودگی کے پیش نظر حکومت دہلی حکومت نے اسکولوں کو ابھی نہ کھولنے کا فیصلہ کیا ہے۔ نائب وزیراعلیٰ و وزیرتعلیم منیش سسودیا نے بدھ کے روز صحافیوں کویہ معلومات دی۔گزشتہ احکام میں 31 اکتوبر تک اسکول بند رکھنے کے لئے کہا گیا تھالیکن دہلی میں کورونا وائرس کے منگل کو ریکارڈ 4853 نئے معاملے سامنےآنےکے بعد یہ فیصلہ لیا گیا ہے۔

منیش سسودیا نے بتایا کہ والدین اور بچوں میں خوف ہے کہ اسکول کھلنے پر انفیکشن بڑھ سکتا ہے۔انہوں نے کہا کہ بیشتر اساتذہ اور بچوں کے والدین کی رائے ہے کہ اسکول ابھی بند ہی رکھے جانے چاہیے۔انہوں نے کہا کہ دہلی کے سبھی سرکاری اورنجی اسکول اگلے حکم تک بندرہیں گے۔انہوں نے کہا کہ پوری دنیا میں جہاں بھی وبا کے درمیان اسکول کھولے گئے، وہاں بچوں میں کورونا وائرس کے معاملے میں اضافہ دیکھاگیا۔اس کے پیش نظر حکومت کا ماننا ہے کہ فی الحال اسکول کھولنا ٹھیک نہیں رہے گا۔


دہلی میں گزشتہ دنوں کورونا کےمعاملوںمیں زبردست کمی دیکھنے میں آئی تھی لیکن جس طرح کوروناکےمریضوں کی تعداد میں اچانک اضافہ نظر آیا ہے اس سے ایک مرتبہ پھر لوگوں میں خوف پیدا ہوگیا ہے۔واضح رہے مارچ سے ہی دہلی میں تمام تعلیمی ادارے بندہیں اور بچوں کی آن لائن کلاسز چل رہی ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 29 Oct 2020, 7:11 AM