اترکاشی میں زلزلے کے جھٹکے، عوام میں خوف

ڈی ایس پٹوال نے بتایا کہ بھٹواڑی، ڈنڈا، منیری، مانپور میں زلزلے کے ہلکے جھٹکے محسوس کیے گئے ہیں۔ کسی نقصان کی کوئی اطلاع نہیں ہے۔

زلزلہ، تصویر یو این آئی
زلزلہ، تصویر یو این آئی
user

یو این آئی

دہرادون/اترکاشی: اتراکھنڈ کے ضلع اتر کاشی میں جمعہ کی دیر رات زلزلے کے جھٹکے محسوس کیے گئے جس کے نتیجے میں عوام خوفزدہ ہو گئے۔ زلزلے کی شدت کا اندازہ ریکٹر پیمانے پر 3.4 لگایا گیا ہے۔ نیشنل ارتھکوئک سائنس سینٹر کے مطابق زلزلے کی شدت کا اندازہ ریکٹر پیمانے پر 3.4 لگایا گیا۔ زلزلے کا سینٹر اتر کاشی سے 23 کلومیٹر مشرق سمت میں زمین کی سطح سے 10 کلومیٹر کی گہرائی میں واقع تھا۔

اتراکشی ڈسٹرکٹ ڈیزاسٹر آپریشن سنٹر انچارج ڈی ایس پٹوال نے یو این آئی کو بتایا کہ کل رات کے قریب 01.28 بجے ضلع رودر پریاگ کے سرحدی علاقے میں زلزلے کے جھٹکے محسوس کیے گئے۔ ریکٹر اسکیل پر زلزلے کی شدت 3.4 ماپی گئی۔


ڈی ایس پٹوال نے بتایا کہ بھٹواڑی، ڈنڈا، منیری، مانپور میں زلزلے کے ہلکے جھٹکے محسوس کیے گئے ہیں۔ کسی نقصان کی کوئی اطلاع نہیں ہے۔ انہوں نے ڈسٹرکٹ پولیس کنٹرول سنٹر کے حوالے سے بتایا کہ تمام تھانوں، چوکیوں، چینیالیسوڑ، بڈکوٹ، پورولا، موری میں زلزلے کے جھٹکے محسوس نہیں کیے گئے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔