بہار کے بھاگلپور میں اراضی کٹاؤ کے سبب کئی گھر کوسی ندی میں سما گئے، لوگ پریشان

بھاگلپور کے نوگچھیا میں اراضی کٹاؤ کے سبب کئی گھر کوسی ندی میں ڈوب گئے ہیں، ایک خاتون نے بتایا کہ سیلاب میں اس کا گھر آبی کٹاؤ کی زد میں آ گیا اور گھر سے کوئی سامان نکالنے کا موقع بھی نہیں ملا۔

سیلاب، تصویر آئی اے این ایس
سیلاب، تصویر آئی اے این ایس
user

قومی آوازبیورو

بہار کے کئی اضلاع میں بارش کے بعد سیلاب جیسے حالات بن چکے ہیں۔ نیپال کے نشیبی علاقوں اور شمالی بہار میں ہو رہی بارش نے صوبے میں فکر انگیز حالات پیدا کر دیئے ہیں۔ کوسی، مہانندا، گنڈک سمیت کئی ندیوں میں طغیانی بڑھ گئی ہے۔ بھاگلپور کے نوگچھیا میں ندی می پانی کے تیز بہاؤ کی وجہ سے اراضی کٹاؤ کے سبب کئی گھر کوسی ندی میں ڈوب گئے ہیں۔ ایک خاتون نے بتایا کہ سیلاب میں اس کا گھر آبی کٹاؤ کی زد میں آ گیا اور گھر سے کوئی سامان نکالنے کا موقع بھی نہیں ملا۔

شمالی بہار میں سیلاب کے خطرے کو دیکھتے ہوئے بہٹا واقع نویں بٹالین کی ٹیموں کو حساس اضلاع میں تعینات کر دیا گیا ہے۔ ٹیم کو گوپال گنج، بھاگلپور، مظفر پور، دربھنگہ، کشن گنج، سپول میں تعینات کیا گیا ہے۔


این ڈی آر ایف کے کمانڈنٹ سنیل کمار سنگھ نے کہا کہ این ڈی آر ایف کی ٹیم کو تیز رفتار موٹر بوٹس، ڈیپ ڈرائیونگ سیٹ، لائف جیکٹس کے ساتھ تلاش اور بچاؤ کے جدید آلات فراہم کیے گئے ہیں۔ تمام ٹیموں میں پروفیشنل غوطہ خوروں کو رکھا گیا ہے تاکہ بروقت لوگوں کی جانیں بچائی جا سکیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔