ماسک نہ ہونے پر چالان نہیں کاٹ پائے گی دہلی ٹریفک پولیس، خصوصی ٹیم کو دی گئی ذمہ داری

اب ٹریفک پولیس صرف ان لوگوں کا چالان کرے گی جو روڈ سیفٹی اور ٹریفک قوانین کی خلاف ورزی کرتے ہیں اور کووڈ ۔19 کے تحت اب وہ چالان نہیں کر سکیں گے

تصویر سوشل میڈیا
تصویر سوشل میڈیا
user

قومی آوازبیورو

نئی دہلی: دہلی پولیس کی تمام ڈویژن اب کووڈ ۔19 کا چالان نہیں کر سکیں گی، کیونکہ اب یہ ذمہ داری دہلی پولیس ہیڈ کوارٹر نے دہلی کے ہر پولیس اسٹیشن میں ایک خصوصی ٹیم کے حوالے کر دی ہے۔ صرف یہ خصوصی ٹیم ہی اپنے تھانہ کے علاقے میں چالان کرسکے گی، دیگر پولیس اہلکار نظم و نسق پر پر توجہ دیں گے جبکہ ٹریفک پولیس کووڈ ۔19 کا بھی چالان نہیں کر سکے گی۔

دہلی پولیس ہیڈ کوارٹر سے جاری کردہ رہنما خطوط میں واضح طور پر بتایا گیا ہے کہ راجدھانی دہلی کے ہر پولیس اسٹیشن میں ایک خصوصی ٹیم کووڈ-19 کی خلاف ورزیوں مثلاً ماسک نہ پہننا، معاشرتی فاصلہ نہ کرنا، تھوکنا وغیرہ کے تعلق سے چالان کرے گی۔ اس ٹیم میں ایک انسپکٹر اور ایک ذیلی عملہ ہوگا، یہ ٹیم تھانے کے انسپکٹر اے ٹی او کی نگرانی میں کام کرے گی۔ جبکہ تھانہ کی دیگر ٹیموں کو بھی بیریکیڈز وغیرہ پر لگایا گیا ہے۔ وہ نظم نسق پر توجہ دے گی اور کووڈ ۔19 کے چالان نہیں کرے گی۔

اسی طرح ٹریفک پولیس کے اہلکار صرف ان لوگوں کا چالان کرے گی جو سڑک کی حفاظت اور ٹریفک قوانین کی خلاف ورزی کرتے ہیں اور کووڈ- 19 کے تحت چالان نہیں کریں گے۔ پولیس ہیڈ کوارٹر کے جاری کردہ حکم میں واضح طور پر کہا گیا ہے کہ ٹریفک پولیس کا کام سڑک کی حفاظت پر زیادہ توجہ دینا اور ٹریفک قوانین کی خلاف ورزی کرنے والوں کو پکڑنا ہے۔

نیز، پولیس ہیڈ کوارٹرز کی طرف سے جاری کردہ رہنما خطوط میں یہ بھی حکم دیا گیا ہے کہ اگر خصوصی ٹیم کے علاوہ کسی اور پولیس عملے کے پاس کووڈ ۔19 کی چالان بُک موجود ہے تو وہ اسے فوری طور پر ڈپٹی کمشنر کے نوٹس میں لاکر اسے دفتر میں جمع کر دیں۔ پولیس ہیڈ کوارٹر نے اس سلسلے میں تمام ضروری ہدایات جاری کر دی ہیں۔

next