دہلی والوں کو گرمی سے ملے گی راحت! محکمہ موسمیات نے جاری کیا بارش کا الرٹ

نئی دہلی: ملک کی راجدھانی دہلی میں موسم میں تبدیلی دیکھنے میں آئی ہے اور مطلع ابر آلود نظر آ رہا ہے۔ محکمہ موسمیات کے مطابق دہلی، شمالی دہلی، شمال مشرقی دہلی، شمال مغربی دہلی، مغربی دہلی، وسطی دہلی، مشرقی دہلی اور این سی آر (لونی دیہات، ہنڈن اے ایف اسٹیشن، غازی آباد، اندرا پورم، چھپرولا) اور ملحقہ علاقوں میں کچھ گھنٹوں کے دوران ہلکی سے درمیانی بارش ہو سکتی ہے۔

محکمہ موسمیات کے مطابق آئندہ چند گھنٹوں میں ہریانہ کے آدم پور، حصار، ہانسی اور اس سے ملحقہ علاقوں میں وقفے وقفے سے ہلکی سے درمیانی بارش ہو سکتی ہے۔

دہلی میں پیر کو تیز دھوپ تھی جس کا اثر دیکھنے کو ملا۔ وہیں منگل کو گرد آلود طوفان کی وجہ سے گرمی سے کچھ راحت ملی۔ تاہم آسمان میں دھند اور گرج چمک کے باعث راجدھانی اور آس پاس کے علاقوں میں آلودگی کی سطح میں اضافہ ہوا ہے۔