یوم آزادی پر دہلی میٹرو پارکنگ بند رہے گی: ڈی ایم آر سی

دہلی میٹرو نے سکیورٹی وجوہات سے یوم آزادی کے موقع پر تمام پارکنگ مقامات کو بند رکھنے کا فیصلہ کیا ہے۔ دہلی میٹرو ریل کارپوریشن نے اتواار کو اس ضمن میں نوٹیفکیشن جاری کر دیا۔ ڈی ایم آر سی نے اپنے بیان میں کہا، ’’یوم آزادی کے موقع پر اٹھائے گئے حفاظتی اقدام کے پیش نظر دہلی میٹرو اسٹیشنوں پر 14 اگست شام 6 بجے سے 15 اگست دوپہر 2 بجے تک پارکنگ سہولیات دستیاب نہیں رہیں گی۔‘‘

ڈی ایم آر سی نے تمام پارکنگ ٹھیکیداروں کو سوچھ بھارت ابھیان کے پیش نظر تمام پارکنگ کے مقامات کی صفائی کے لئے اس موقع کا استعمال کرنے کی بھی ہدایت دی ہے۔