دہلی شراب گھوٹالہ: وزیر اعلیٰ کیجریوال کے پی اے سے ای ڈی کی پوچھ گچھ

رپورٹ کے مطابق ویبھو ای ڈی کے دفتر پہنچے اور معاملہ پر کوئی تبصرہ کئے بغیر اندر چلے گئے۔ اس کے بعد ای ڈی کے عہدیداروں کی ایک ٹیم نے ان سے پوچھ گچھ کی۔

<div class="paragraphs"><p>وزیر اعلیٰ دہلی اروند کیجریوال / ویڈیو گریب</p></div> — وزیر اعلیٰ دہلی اروند کیجریوال / ویڈیو گریب

قومی آوازبیورو

Published: 23 Feb 2023, 5:40 PM

نئی دہلی: دہلی شراب پالیسی گھوٹالہ کے سلسلہ میں جمعرات 23 فروری کو وزیر اعلیٰ اروند کیجریوال کے پی اے ویبھو کے پی سے ای ڈی کے ذریعے پوچھ گچھ کی گئی۔ رپورٹ کے مطابق ویبھو ای ڈی کے دفتر پہنچے اور معاملہ پر کوئی تبصرہ کئے بغیر اندر چلے گئے۔ اس کے بعد ای ڈی کے عہدیداروں کی ایک ٹیم نے ان سے پوچھ گچھ کی۔

یہ بھی پڑھیں : کانگریس ترجمان پون کھیڑا کو سپریم کورٹ سے راحت، گرفتاری پر 28 فروری تک روک، آسام اور یوپی حکومت کو نوٹس جاری

خیال رہے کہ ای ڈی نے 11 فروری کو اس معاملہ میں وائی ایس آر کانگریس کے رکن پارلیمنٹ مانگوٹا سرینواس ریڈی کے بیٹے راگھو مانگوٹا کو گرفتار کر لیا تھا۔ مانگوٹا سے قبل ای ڈی نے پنجاب کے تاجر گوتم ملہوترا اور عآپ کے سوشل میڈیا انچارج وجے نائر کے معاون راجیش جوشی کو بھی گرفتار کیا تھا۔

یہ بھی پڑھیں : پون کھیڑا کی دہلی ایئرپورٹ سے گرفتاری، آسام میں درج مقدمہ کے سلسلہ میں کارروائی، کانگریس نے کہا- ’یہ تاناشاہی ہے‘

ای ڈی نے اب تک اس معاملہ میں استغاثہ کی دو شکایتیں، ایک چارج شیٹ اور ایک ضمنی چارج شیٹ داخل کی ہے۔ وہ اس معاملے میں تیسری چارج شیٹ (تیسرا ضمیمہ) داخل کرنے کے لیے تیار ہیں۔ دریں اثنا، مرکزی تفتیشی بیورو (سی بی آئی) نے دہلی کے نائب وزیر اعلی منیش سسودیا کو بھی 26 فروری کو تحقیقات میں شامل ہونے کے لیے طلب کیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

مضامین سبسکرائب نیوز پیر

شئیر