دہلی میں اومیکرون کے 4 نئے معاملے، ملک بھر میں کیسز کی تعداد 45 سے تجاوز

ستیندر جین نے کہا کہ دہلی میں فی الحال کورونا کے 25 مریض ہیں اور 3 مشتبہ مریض لوک نائک جے پرکاش نارائن اسپتال میں داخل ہیں۔

کورونا ویرینٹ اومیکرن/ تصویر آئی اے این ایس
کورونا ویرینٹ اومیکرن/ تصویر آئی اے این ایس
user

قومی آوازبیورو

نئی دہلی: راجدھانی دہلی میں کورونا ویرینٹ اومیکرون کے مزید چار معاملوں کی تصدیق کی گئی ہے جس کے بعد یہاں معاملوں کی کل تعداد 6 ہو گئی۔ دہلی کے وزیر صحت ستیندر جین نے یہ اطلاع دی۔ انہوں نے کہا کہ دہلی میں فی الحال کورونا کے 25 مریض ہیں اور 3 مشتبہ مریض لوک نائک جے پرکاش نارائن اسپتال میں داخل ہیں۔

دہلی میں 4 معاملے سامنے آنے کے بعد ملک بھر میں اومیکرون سے وابستہ کیسز کی تعداد 45 سے زیادہ ہو گئی ہے۔ مہاراشٹر میں پیر کے روز اومیکرون کے مزید دو معاملوں کی تصدیق کی گئی۔ دونوں نے حال ہی میں دبئی کا سفر کیا تھا۔ جبکہ جنوبی افریقہ سے گجرات لوٹا ایک شخص اومیکرون سے متاثر پایا گیا۔


دہلی کے بعد اومیکرون سے سب سے زیادہ راجستھان متاثر ہے۔ یہاں کے محکمہ صحت نے لوگوں کو محتاط رہنے کے لئے کہا ہے۔ اسی کے ساتھ کورونا پروٹوکول پر بھی عمل کرنے کو کہا گیا ہے۔ اس کے علاوہ ریاستوں سے جانچ میں تیزی لانے کو کہا گیا ہے۔

ہندوستان میں کورونا وائرس کی صورت حال پر نظر ڈالیں تو گزشتہ 24 گھنٹوں کے دوان ملک بھر میں 5784 نئے معاملوں کی تصدیق کی گئی ہے، اس دوران 252 لوگوں کی موت ہو گئی، جبکہ 7995 لوگوں نے شفایابی حاصل کر لی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔