دہلی میں کورونا کے ریکارڈ 3256 نئے معاملے، 29 کی موت

راجدھانی دہلی میں کورونا ایک مرتبہ پھر بھیانک صورت اختیار کرنے لگاہے اور کل گزشتہ چوبیس گھنٹوں کے دوران 3,256 نئے معاملے سامنے آنے کے ساتھ ہی متاثروں کی تعداد اتوار کو بڑھ کر تقریبا 1.92 ہوگئی ہے اور 29 اور مریضوں کی موت ہونے کے بعد مرنے والوں کی تعداد بڑھ کر 4,567 ہوگئی ہے۔

دہلی میں جمعہ کو 68 دنوں بعد سب سے زیادہ 2914 نئے معاملے آئے تھے۔ سنیچر کو 2973 معاملے آئے تھے۔ راجدھانی میں دو مہینے کے وقفہ کے بعد دو ستمبر کو وائرس کے معاملے ڈھائی ہزارسے زیادہ آئےتھے اور گزشتہ پانچ دنوں سے ان میں بڑا اچھال جاری ہے۔

راجدھانی میں کل نئے معاملے آنے کے ساتھ کنٹینمنٹ زونوں کی تعداد میں 100 کا اضافہ ہونا بھی ڈرانے والا ہے۔ سنیچر کے اعدادوشمار میں کنٹینمنٹ زونوں کی تعداد بھی 976 سے بڑھ کر 1076 ہوگئی ہے۔

دہلی حکوت کے وزارت صحت کی جانب سے آج جاری اعدادوشمار کے مطابق گزشتہ چوبیس گھنٹوں کے دوران 3,256 نئے معاملے سامنے آنے کے ساتھ ہی متاثروں کی تعداد 1,91,449 ہوگئی ہے۔ اس دوران 2,188 کورونا مریض صحتیاب ہوئے ہیں اور اب تک مجموعی طور سے 1,65,973 لوگ کورونا سے صحتیاب ہوچکے ہیں۔

اس مدت میں 36 ہزار سے زیادہ 36,046 نمونوں کی جانچ کی گئی ہے۔ راجدھانی میں فی دس لاکھ پر 93,711 جانچ ہوئی ہے۔ اب تک مجموعی طورسے 17,80,512 نمونوں کی جانچ کی جاچکی ہے۔