سنگھو بارڈر کے پاس قتل کو کانگریس نے بتایا اندوہناک، حکومت سے جانچ کا مطالبہ

کسان تحریک کی جگہ پر 35 سالہ نوجوان کے بے رحمانہ قتل کا معاملہ سامنے آنے کے بعد لوگوں میں دہشت کا عالم ہے، لاش ملنے کے بعد سے ہی اس واقعہ کو لے کر ہنگامہ جاری ہے۔

پون کھیڑا، تصویر آئی اے این ایس
پون کھیڑا، تصویر آئی اے این ایس
user

قومی آوازبیورو

کانگریس نے سنگھو بارڈر پر کسان مظاہرہ کی جگہ کے پاس ایک نوجوان کے بے رحمانہ قتل کو دل دہلا دینے والا قرار دیا ہے۔ کانگریس ترجمان پون کھیڑا نے کہا کہ سوشل میڈیا کے ذریعہ سے دل کو دہلا دینے والی رپورٹ سامنے آئی ہے۔ تشدد کی اس ملک میں جگہ نہیں ہو سکتی۔ یہ ملک قانون اور آئین کے راستے پر چلتا ہے۔ حکومت کو چاہیے کہ جانچ کرے اور قانون اپنا کام کرے۔

غور طلب ہے کہ سنگھو بارڈر پر جہاں کسانوں کا مظاہرہ جاری ہے، وہاں 35 سالہ نوجوان کے قتل کا معاملہ سامنے آیا ہے۔ جانکاری کے مطابق نوجوان کی لاش بیریکیڈ پر لٹکی پائی گئی، اور اس کا ایک ہاتھ بھی کٹا ہوا تھا۔ لاش ملنے کے بعد سے ہی سنگھو بارڈر پر ہنگامہ جاری ہے۔


کانگریس ترجمان پون کھیڑا نے مرکزی حکومت پر سوال کھڑے کرتے ہوئے کہا کہ آج کا دن برائی پر اچھائی کی جیت کی علامت میں دسہرا کی شکل میں منایا جاتا ہے، لیکن سنگھو بارڈر پر جو کچھ ہوا وہ تکلیف دہ ہے۔ انھوں نے کہا کہ ’’اسی درمیان چین کی جانب سے جمعرات کو ایک ویڈیو سامنے آئی۔ حکومت ہند کو اس پر وضاحت دینی چاہیے۔ اگر حکومت اسے وار کرائم کے درجہ میں مانتی ہے تو کیا اسے بین الاقوامی عدالت میں لے جانا چاہیے۔‘‘

پون کھیڑا نے کہا کہ ایک دوسرے کی پیٹھ تھپتھپانے کی جگہ حکومت بتائے کہ چین کو ایکسپوز کرنے کے لیے کیا اقدام اٹھائے جائیں گے؟ ہمارے نائب صدر کو اروناچل پردیش میں جانے سے چین روک رہا ہے اور اس کا کوئی سخت جواب نہیں دیا گیا۔ کیسے اتراکھنڈ میں 5 کلو میٹر سرحد کے اندر گھس کر ہماری پلیا کو توڑ کر چلا گیا؟ اس پر کوئی جواب نہیں دیا گیا۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔