دہلی میں کورونا کے معاملوں میں اضافہ، دو مہینہ بعد ڈھائی ہزار سے زیادہ معاملے
دہلی حکومت کی وزارت صحت کے بدھ کو آئے اعدادوشما ر کے مطابق گزشتہ چوبیس گھنٹوں میں 2,509نئے معاملے سامنے آئے ہیں۔
راجدھانی دہلی میں کورونا آہستہ آہستہ ایک بار پھر خطرناک شکل اختیار کرنے لگا ہے اور گزشتہ چوبیس گھنٹوں کے دوران دو مہینہ کے وقفہ کے بعد وائرس کے ڈھائی ہزار سے زیادہ معاملات سامنے آنے سے تشویش میں اضافہ ہوگیا ہے۔
دہلی حکومت کی وزارت صحت کے بدھ کو آئے اعدادوشما ر میں گزشتہ چوبیس گھنٹوں میں 2,509نئے معاملے سامنے آئے۔ یہ اعدادو شمار دو جولائی کے بعد سب سے زیادہ ہے۔ اس سے پہلے تین جولائی کو 2520معاملے سامنے آئے تھے۔
راجدھانی میں متاثرین کی مجموعی تعداد 1,79,569پر پہنچ گئی ہے۔ گزشتہ چوبیس گھنٹوں کے دوران 19مریضوں کی موت ہوجانے سے ان کی تعداد 4,481ہوگئی ہے۔
گزشتہ چوبیس گھنٹوں میں 1,858کورونا مریض ٹھیک بھی ہوئے ہیں اور اب تک کل ملاکر 1,58,586لوگ کورونا کو شکست دے چکے ہیں۔
دہلی میں گزشتہ چوبیس گھنٹوں میں 28ہزار سے زیادہ 23,835نمونوں کی جانچ ہوئی ہے۔ راجدھانی میں یومیہ دس لاکھ پر 86,132جانچ ہوئی ہے۔ کل ملاکر 16 لاکھ 36ہزار 518ٹیسٹ کئے جاچکے ہیں۔
راجدھانی میں کورونا کے فعال معاملات 16ہزار کے پار 16502پر پہنچ گئے ہیں۔ کنٹینمنٹ زون کی تعداد 846سے بڑھ کر 894پر پہنچ گئی ہے۔ آج 1858مریض ٹھیک ہوئے۔نئے معاملات کی بہ نسبت تندرست ہونے والوں کی تعداد کم رہنے سے ریکوری شرح کل کے 88.51سے مزید کم ہوکر 88.31فیصد رہ گئی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔