جموں ائر فورس اسٹیشن پر ڈرون حملہ میں چینی ہاتھ

وزیر اعظم نریندر مودی نے جموں ائر فورس اسٹیشن پر ڈرون حملے سے پیدا ہونے والے خطرے اور چیلنجوں پر تبادلہ خیال کے لئے آج یہاں ایک اعلی سطحی اجلاس منعقد کی جموں ائر فورس اسٹیشن پر گذشتہ اتوار کی شب ڈرون حملے کے دو دن بعد وزیر دفاع وزیر راج ناتھ سنگھ ، مرکزی وزیر داخلہ امیت شاہ ، ہوم سکریٹری اجے بھلا اور قومی سلامتی کے مشیر اجیت ڈوبھال اور متعدد دیگر اعلی عہدیداروں نے وزیر اعظم کی رہائش گاہ پر اجلاس میں شرکت کی۔

ذرائع کے مطابق وزیر دفاع ، جو تین روزہ لیہ اور لداخ کے دورے سے واپس آئے تھے ، نے اجلاس میں جموں میں ڈرون حملے کے بارے میں تفصیلی اطلاعات دیں۔ میٹنگ میں ڈرون حملوں سے نمٹنے کے لئے جامع پالیسی کی تشکیل اور مسلح افواج کو ڈرون مخالف آلات سے لیس کرنے کے بارے میں تفصیلی بات چیت ہوئی۔ اس کے ساتھ ہی ملک میں سلامتی کی صورتحال کا بھی جامع جائزہ لیا گیا۔

واضح رہے کہ اتوار کی رات جموں ائر فورس اسٹیشن پر ڈرون حملہ کیا گیا تھا جس میں فضائیہ کے دو اہلکار زخمی ہوگئے تھے۔ اے بی پی نیوز پورٹل پر شائع خبر کے مطابق اس حملہ کی ابتداعی جانچ میں ایک بڑا خلاصہ ہوا ہے ۔ جانچ ایجنسیوں کو شک ہے کہ حملہ میں چین میں بنے ڈرون کی مدد لی گئی تھی ۔ چین نے گزشتہ دنوں پاکستان کو ڈرون دئے تھے اور وہاں سے پاکستانی خفیہ ایجنسی آئی ایس آئی نے یہ ڈرون دہشت گرد تنظیم کو دے دئے تھے۔