ایس آئی آر میں مصروف بی ایل اوز کے لیے بمپر آفر، خاندان کے ساتھ ملے گا جنگل سفاری اور لنچ کا موقع

 پیلی بھیت میں جامع ووٹر لسٹ نظرثانی ( ایس آئی آر) کے کام کو تیز کرنے کے لیے ضلع انتظامیہ نے بی ایل اوز(بوتھ لیول آفیسرز) کو مراعات کی پیشکش کی ہے۔ جو لوگ سب سے زیادہ فارم کو ڈیجیٹائز کریں گے انہیں اپنے اہل خانہ کے ساتھ جنگل سفاری، چوکا بیچ پر لنچ اور ایک مفت فلم ملے گی۔ اس آفرسے کام کے بوجھ کے باوجود بی ایل اوز خوش ہیں اور تیزی سے کام کر رہے ہیں۔

اترپردیش کے ضلع پیلی بھیت میں ایس آئی آر کے کام میں تیزی لانے کے لیے ضلع انتظامیہ نے بی ایل اوز کو بڑی پیشکش کی ہے۔ اس سلسلے میں جو لوگ سب سے زیادہ فارموں کو ڈیجیٹائز کرتے ہیں انہیں پورے خاندان کے ساتھ پیلی بھت ٹائیگر ریزرو میں جنگل سفاری، چوکا بیچ پر لنچ اور مفت فلم دکھائی جائے گی گے۔

اطلاعات کے مطابق ایس آئی آر سے وابستہ بی ایل اوز پر کام کا بھاری بوجھ پڑ رہا ہے۔ انہیں صبح سے رات تک کام کرنا اور لوگوں کو تلاش کرنا پڑتا ہے جس سے ان کے اہل خانہ پر پریشان ہورہے ہیں۔ حالانکہ اس نئی پیشکش سے بی ایل اوز کافی خوش ہیں اور جنگی پیمانے پر کام کر رہے ہیں۔ اس دوران ایک بی ایل او نے بتایا کہ وہ اس آفر سے بہت خوش ہیں اور سب سے پہلے اپنا کام ختم کرنا چاہتے ہیں اور اپنے اہل خانہ کے ساتھ جنگل سفاری اور لنچ سے لطف اندوز ہونا چاہتے ہیں۔

معلوم ہوا ہے کہ کئی بی ایل اوز نے ابھی تک پیلی بھیت ٹائیگر ریزرو کونہیں دیکھا ہے۔ پیلی بھیت کے ضلع ڈپٹی الیکشن افسر پرسون دویدی نے بتایا کہ ضلع کی چاروں اسمبلی میں ایس آئی آر کا کام تیزی سے جاری ہے۔اس کام میں پیلی بھیت کی رینک 9 ویں نمبر پر ہے اوراس کی تازہ صورتحال ہر2 گھنٹے میں آرہی ہے جس سے اندازہ ہوتا ہے کہ ضلع میں تیزی سے کام چل رہا ہے۔

انہوں نے مزید بتایا کہ یہ حوصلہ افزا اسکیم ضلع مجسٹریٹ کے حکم پر شروع کی گئی ہے تاکہ بی ایل اوز کوایس آئی آر کے کام میں زیادہ دلچسپی لینے اور اس میں تیزی لانے کی ترغیب دی جا سکے۔ پہلے بی ایل او کو سرٹیفکیٹ سے بھی نوازا جائے گا۔ اس ترغیب کا مقصد دلچسپی میں اضافہ اورایس آئی آر کے کام میں تیزی لانا ہے۔