بی جے پی مذہب و ذات کے نام پر ملک کو تقسیم کر رہی ہے: کلدیپ راٹھور

کلدیپ راٹھور یہاں مرکز و ریاست کی ’عوام مخالف‘ پالیسیوں کے خلاف اپنی پارٹی کی ملک گیر عوامی بیداری مہم کے تحت اسمبلی حلقہ پانوٹا صاحب سے پد یاترا کا آغاز کرنے سے پہلے نامہ نگاروں سے بات چیت کر رہے تھے

تصویر ٹوئٹر @INCHimachal
تصویر ٹوئٹر @INCHimachal
user

یو این آئی

شملہ: ہماچل کانگریس صدر کلدیپ راٹھور نے آج الزام عائد کیا کہ ریاست و مرکز میں برسراقتدار جماعت بی جے پی مذہب کے نام پر ملک کو تقسیم کرنے کا کام کر رہی ہے۔ راٹھور یہاں مرکز و ریاست کی ’عوام مخالف‘ پالیسیوں کے خلاف اپنی پارٹی کی ملک گیر عوامی بیداری مہم کے تحت سرمور ضلع کے اسمبلی حلقہ پانوٹا صاحب سے پد یاترا کا آغاز کرنے سے پہلے نامہ نگاروں سے بات چیت کر رہے تھے۔

انہوں نے کہا کہ پنڈت جواہر لال نہرو کا ملک کی آزادی میں سب سے بڑا تعاون رہا ہے اور آزاد ی کے بعد جو منصوبے انہو ں نے ملک کے مفاد میں چلائے، انہی منصوبوں کے سبب آج ملک دنیا بھرمیں فخر سے سر اٹھاکر کھڑا ہے۔ انہوں نے کہا کہ کانگریس آج سے پورے ملک میں عوامی بیداری مہم چلا رہی ہے۔ ریاست میں جس کی شروعات گرو کی نگری سے کی جارہی ہے۔ اس میں پارٹی کارکنان دس کلو میٹر تک پیدل سفر کریں گے اور ریاستی و مرکزی حکومت کی عوام مخالف پالیسیوں کی پول کھولیں گے۔


ایک سوال کے جواب میں انہوں نے کہا کہ کنگنا رنوت کو ایسا بیان نہیں دینا چاہئے تھا، خاص طورپر جب انہیں پدم شری ایوارڈ ملا ہے۔ کانگریس لیڈر نے کہا کہ اس بیان سے ملک کے لیے قربان ہوئے وطن پرستوں کی توہین کی گئی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔