بی جے پی گھمنڈ میں چور ہو گئی، اس کے لیڈر کسانوں کو بدمعاش کہہ رہے ہیں: وید پرکاش ودروہی

بھارتیہ جنتا پارٹی کے لوگ 10 سال سے اقتدار میں رہنے کی وجہ سے گھمنڈ سے چور ہوگئے ہیں اور کم از کم امدادی قیمت (ایم ایس پی) کا مطالبہ کر رہے کسانوں کو وزیر اعلیٰ نایاب سنگھ سینی عوامی پلیٹ فارم سے بدمعاش کہہ رہے ہیں۔ یہ باتیں تنظیم گرامین بھارت کے صدر اور ہریانہ پردیش کانگریس کمیٹی کے ترجمان وید پرکاش ودروہی نے کہی ہیں۔

ودروہی نے اتوار کو میڈیا کے لیے جاری ایک بیان میں کہا ہے کہ سابق وزیر اعلیٰ منوہر لال کھٹر بی جے پی کی عوام مخالف پالیسیوں پر سوال اٹھانے والے کانگریسیوں اور اپوزیشن لیڈروں کو بے وقوف کہہ رہے ہیں۔ اپوزیشن لیڈروں کو سرپھرے کہنے سے بھی باز نہیں آئے بلکہ کانگریس کے منشور میں پانچ نیائے کے ذریعے دی گئی 25 ضمانتوں سےاس قدر بوکھلاگئے ہیں کہ کانگریس لیڈروں کو ان پڑھ لوگوں کا ٹولہ کہنے لگے۔

وید پرکاش ودروہی نے کہا ہے کہ سوال یہ پیدا ہوتا ہے کہ کسانوں، مزدوروں، عام لوگوں، غریبوں، پسماندہ، دلتوں، قبائلیوں، استحصال زدہ و محروموں کے حق میں آواز اٹھانے والے کیا انہیں مساوی حقوق دیں گے؟ پھر ناخواندہ لوگوں کے لیے ٹولہ کہنا کس حد تک مناسب ہے؟ بی جے پی کے لیے ملک کے وسائل اور جائیدادوں پر صرف چند سرمایہ داروں کا قبضہ قومی مفاد میں ہے۔ بی جے پی یہ برداشت نہیں کر سکتی کہ کانگریس کی پانچ نیائے ضمانتوں کے ذریعے ملک کی 140 کروڑ آبادی کو ملک کے وسائل میں برابر کا حصہ ملے۔