کسانوں کے خلاف سازش کرنے والی بی جے پی ہوگی ختم: اکھلیش یادو
اکھلیش یادو نے اپنے ٹوئٹ میں لکھا 'آمدنی دوگنی کرنے کا جملہ دے کر زرعی قوانین کی آڑ میں کسانوں کی زمین ہڑپنے کی جو سازش ہے اسے کھیتی-کسانی کرنے والے لوگ اچھے سے سمجھتے ہیں۔ ہم کسانوں کے ساتھ ساتھ ہیں۔
لکھنؤ: اپوزیشن پر کسانوں کو گمراہ کرنے کے وزیر اعظم نریندر مودی کے الزام پر پلٹ وار کرتے ہوئے سماج وادی پارٹی (ایس پی) سربراہ اکھلیش یادو نے کہا کہ زرعی قانون کی آڑ میں زمین ہڑپنے کی سازش کو کسان اچھے طریقے سے سمجھتے ہیں اور کسان بی جے پی حکومت کو اکھاڑ پھیکیں گے۔
اکھلیش یادو نے منگل کو اپنے ٹوئٹ میں لکھا 'آمدنی دوگنی کرنے کا جملہ دے کر زرعی قوانین کی آڑ میں کسانوں کی زمین ہڑپنے کی جو سازش ہے اسے کھیتی-کسانی کرنے والے اچھے سے سمجھتے ہیں۔ ہم اپنے کسان بھائیوں کے ساتھ ہمیشہ کی طرح ساتھ ہیں۔ جس سے ایم ایس پی، منڈی و زراعت کو سیکورٹی فراہم کرنے والا نظام قائم رہے۔ بی جے پی اب ختم ہے'
قابل ذکر ہے کہ پی ایم مودی نے پیر کو اپنے پارلیمانی حلقے وارانسی پر نئے زرعی قوانین کے سلسلے میں کسانوں کو گمراہ کرنے کا الزام لگاتے ہوئے کہا تھا کہ دہائیوں تک کسانوں کے ساتھ لگاتار دھوکہ دہی کرنے والے شکوک وشبہات کی بنیاد پر گمراہ کرنے کی کوشش کررہے ہیں حالانکہ ان کی سچائی ملک کے سامنے آرہی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔