بھارت جوڑو نیائے یاترا آج  بہار میں داخل ہوگی، راہل گاندھی کا کئی اجلاس سے خطاب کا پروگرام

راہل گاندھی بہار میں اپنی تین دن کی یاترا کے دوران کشن گنج، پورنیہ اور کٹیہار میں جلسۂ عوام سے خطاب کریں گے، اس کے بعد جمعرات کو دوبارہ مغربی بنگال کے لیے روانہ ہو جائیں گے

<div class="paragraphs"><p>بھارت جوڑو نیائے یاترا /&nbsp; تصویر&nbsp;<a href="https://twitter.com/INCIndia">@INCIndia</a></p></div>

بھارت جوڑو نیائے یاترا / تصویر@INCIndia

user

قومی آوازبیورو

کانگریس لیڈر راہل گاندھی کی بھارت جوڑو نیائے یاترا آج بہار میں داخل ہوگی۔ راہل گاندھی اپنی یاترا دوران بہار کے سیمانچل اضلاع میں کئی ریلیوں  سے خطاب کریں گے۔ تین دن تک بہار میں رہنے کے بعد ان کی یہ یاترا پھر سے مغربی بنگال میں داخل ہوگی۔ یہ اطلاع بہار کانگریس کی جانب سے دی گئی ہے۔

اطلاعات کے مطابق منی پور  سے شروع ہوئی کانگریس لیڈر اور ممبر پارلیمنٹ راہل گاندھی کی بھارت جوڑو  نیائے یاترا مغربی بنگال سے ہوتے ہوئے مسلم اکثریتی علاقے بہار کے کشن گنج پہنچے گی جو کانگریس کا گڑھ بھی مانا جاتا ہے۔ بہار میں کانگریس کے گروپ لیڈر شکیل احمد خان کے مطابق راہل گاندھی کشن گنج میں ایک عوامی جلسے سے خطاب کریں گے، اس کے بعد منگل (30 جنوری) کو سیمانچل ضلع پورنیہ میں ایک بڑی ریلی اور ایک دن بعد کٹیہار میں بھی ریلی سے خطاب کریں گے۔ اس کے بعد جمعرات کو ارریہ ضلع کے راستے مغربی بنگال کے لیے روانہ ہوجائیں گے۔ اس کے بعد یہ یاترا جھارکھنڈ کے راستے پھر سے بہار میں داخل ہوگی۔


کانگریس کے  ریاستی صدر اکھلیش پرساد سنگھ نے کہا بہار میں مہاگٹھ بندھن میں شامل  آر جے ڈی کے صدر لالو پرساد یادو اور سی پی آئی (ایم ایل) کے جنرل سکریٹری دیپانکر بھٹاچاریہ کو پورنیہ کی ریلی میں مدعو کیا گیا ہے۔ کانگریس لیڈر کے مطابق جے ڈی یو کے صدر نتیش کمار کو بھی مدعو کیا گیا تھا، لیکن اب وہ مہا گٹھ بندھن سے اپنا تعلق ختم کرتے ہوئے این ڈی اے میں شامل ہوگئے ہیں۔ وہیں راہل گاندھی 2020 کے اسمبلی انتخاب کی مہم کے بعد پہلی بار بہار کی یاترا پر آرہے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;