بھارت جوڑو یاترا کل مدھیہ پردیش میں ہوگی داخل، پرینکا گاندھی کر سکتی ہیں شرکت

پرینکا گاندھی کے بھی یاترا میں شرکت کے امکان کو دیکھتے ہوئے تیاریوں کو حتمی شکل دی جا رہی ہے۔

پرینکا گاندھی
پرینکا گاندھی
user

یو این آئی

بھوپال: کانگریس لیڈر راہل گاندھی کی 'بھارت جوڑو یاترا' 23 نومبر سے مدھیہ پردیش میں شروع ہوگی۔ اس دوران پارٹی کی سینئر لیڈر پرینکا گاندھی کے بھی یاترا میں شامل ہونے کا امکان ہے۔ پارٹی کی طرف سے دی گئی معلومات کے مطابق، راہل گاندھی کی یاترا برہان پور ضلع سے ریاست میں داخل ہوگی اور اگلے 12 دنوں تک ریاست میں رہے گی۔ اس سلسلے میں راہل گاندھی 4 دسمبر تک ریاست میں ہی رہیں گے۔ اس دوران وہ چھ اضلاع سے ہوکر گزریں گے۔ پرینکا گاندھی کے بھی یاترا میں شرکت کے امکان کو دیکھتے ہوئے تیاریوں کو حتمی شکل دی جا رہی ہے۔

ذرائع کے مطابق راہل گاندھی کل 23 تاریخ کو برہان پور کے بودرلی گاؤں سے اپنا سفر شروع کریں گے۔ یہاں سے وہ کھنڈوا کے جھری جائیں گے۔ اگلے دن یاترا بورگاؤں سے کھنڈوا تک 24 تاریخ کو کھرگون کے کھیرڈا تک جائے گی۔ 25 تاریخ کو راہل گاندھی کھیڑا سے مورٹکا کی یاترا کریں گے۔


ہفتہ 26 نومبر کو، راہل گاندھی کی یاترا اندور ضلع میں داخل ہوگی۔ یہاں وہ ڈاکٹر بھیم راؤ امبیڈکر کی جائے پیدائش مہو جائیں گے۔ اگلے دن راہل گاندھی مہو سے اندور کی یاترا کریں گے۔ 28 تاریخ کو یاترا میں شامل افراد آرام کریں گے۔ راہل گاندھی 29 تاریخ کو اندور شہر سے سانور جائیں گے۔ 30 تاریخ کو، یاترا سانور سے اجین ضلع میں داخل ہوگی اور یکم دسمبر کو بھی اجین میں ہی رہے گی۔

2 دسمبر کو یاترا اجین کے جھالرا سے شروع ہوگی۔ یہاں سے راہل گاندھی آگر-مالوا کے کاسی بردیہ پہنچیں گے۔ 3 دسمبر کو راہل گاندھی اس ضلع کے مہودیا سے لال کھیڑی تک کا سفر پیدل طے کریں گے۔ 4 تاریخ کو یاترا لال کھیڑی سے راجستھان کے جھالاواڑ میں داخل ہوگی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔