بنگال: چاروں سیٹوں پر ترنمول کانگریس شاندار جیت کی طرف گامزن

ترنمول کانگریس نے کہا کہ کوچ بہار سے دن ہاٹا سے ترنمول کانگریس کی سبقت یہ ثابت کرتی ہے کہ شمالی بنگال سے بی جے پی کا زوال شروع ہوگیا ہے۔

تصویر آئی اے این ایس
تصویر آئی اے این ایس
user

یو این آئی

کلکتہ: ضمنی انتخابات میں ریاست کی چاروں سیٹ پر ترنمول کانگریس نے سبقت حاصل کرلی ہے، گوسابہ سے ترنمول کانگریس کے امیدوار سبرتو منڈل نے ریکارڈ سبقت حاصل کی ہے۔ کوچ بہار کے دن ہاٹا اسمبلی حلقہ جہاں سے بی جے پی کے ممبر پارلیمنٹ و مرکزی وزیر نشیت پرمانک نے جیت حاصل کی تھی، مگر انہوں نے لوک سبھا کی رکنیت باقی رکھی اور اسمبلی کی رکنیت سے استعفیٰ دیدیا۔ اس کی وجہ سے یہاں ضمنی انتخاب ہو رہیں۔ مگر اب یہاں سے ترنمول کانگریس کے امیدوار ادیان گوہا نے 129880 ووٹوں سے بڑی سبقت حاصل کرلی ہے اور یہ سیٹ بی جے پی کے ہاتھ سے نکلتی جا رہی ہے۔ اس وقت بی جے پی امیدوار کو محض 11 فیصد ووٹ ملتا ہوا نظر آرہا ہے۔

گوسابا سے ترنمول کانگریس کے امیدوار سبرتو منڈل نے 151452 ووٹوں کی سبقت حاصل کرلی ہے۔ بی جے پی کو 30ہزار ووٹ ملے ہیں۔ یہاں سے ترنمول کانگریس کے فاتح امیدوار جینت نسکر کی کورونا وائرس سے متاثرہونے کے بعد موت ہوگئی تھی اس کی وجہ سے یہاں ضمنی انتخاب ہو رہے ہیں۔


شانتی پور میں اسمبلی حلقہ جہاں سے بی جے پی نے اسی سال اپریل اور مئی میں ہوئے اسمبلی انتخابات میں جیت حاصل کی تھی میں بھی ترنمول کانگریس کے امیدوار برج گوشوار گوسوامی نے 54 ہزار سے زائد ووٹوں کی سبقت حاصل کرلی ہے۔ یہ سیٹ ہمیشہ سے ترنمول کانگریس کے لئے مشکل رہی ہے۔ برج کشور گوسوامی کو ترنمول کانگریس نے ماسٹر اسٹروک کھیلا تھا۔ چوں کہ ان کا خاندان علاقے میں فرقہ وارانہ ہم آہنگی کے لئے مشہور ہے۔

ترنمول کانگریس نے کہا کہ کوچ بہار سے دن ہاٹا سے ترنمول کانگریس کی سبقت یہ ثابت کرتی ہے کہ شمالی بنگال سے بی جے پی کا زوال شروع ہوگیا ہے۔ کھردہ اسمبلی حلقے سے بھی ریاستی وزیر شوبھندو چٹو اپادھیائے امیدوار ہیں اور انہوں نے بھی 50 ہزار سے زاید ووٹوں سے سبقت حاصل کی ہے۔ یہاں اس وقت دوسری پوزیشن پر بی جے پی نہیں سی پی آئی ایم ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔