ممتا بنرجی کے خلاف بنگال بی جے پی کی ٹوئٹر مہم شروع

کولکاتا: ترنمول کانگریس ایک طرف گوا اور تریپورہ میں قدم جمانے کی کوشش کر رہی ہے۔ دوسری طرف بی جے پی بنگال میں ممتا بنرجی پر ہیش ٹیگ چلا کر ترنمول کانگریس کے کردار کو ظاہر کرنے کی کوشش کررہی ہے۔ بی جے پی قیادت نے ٹوئٹر پر ممتا بنرجی کے ویکسین کی تقسیم، صحت کے نظام میں بدعنوانی اور دیگر مسائل پر مرکزی حکومت کے خلاف بے بنیاد الزامات لگا رہی ہے۔ ہیش ٹیگ کو ممتا کا جھوٹ کا نام دیا گیا ہے۔ بی جے پی کے ممبران اسمبلی اور ممبران پارلیمنٹ اور مرکزی وزراء صبح 11 بجے سے ہی ممتا حکومت کے خلاف ہیش ٹیگ کا استعمال کر رہی ہے۔

بی جے پی کے ریاستی صدر سوکانت مجمدار نے بتایاکہ ممتا بنرجی ہیلتھ کیئر پروجیکٹ کو بڑھاوا دے رہی ہیں، ہیلتھ کیئر کارڈ کو لازمی قرار دے رہی ہے، لیکن اسی اسکیم میں ایک اسپتال نے ریاست سے 64 کروڑ روپے کے بقایا جات کی وصولی کے لیے عدالت سے رجوع کیا ہے۔ سوکانت مجمدار نے کہا کہ ممتا بنرجی کب تک بنگال کے عوام کو دھوکہ دیں گی۔ اس لئے ہم ان کے جھوٹ کو بے نقاب کرنے کے لئے سوشل میڈیا پر مہم چلا رہے ہیں۔

بنگال کی وزیر اعلی گوا میں قدم جمانے کے لئے تین روزہ دورے پر ہیں۔ حالانکہ گوا بی جے پی کے ریاستی صدر سدانند تنابرے نے کہا کہ ممتا بنرجی کے گوا آنے سے گوا کے انتخاب پرکوئی اثر نہیں پڑے گا۔ گوا میں ترنمول کی دکانیں انتخابات کے بعد بند رہیں گی۔ گوا میں اس طرح ووٹنگ نہیں ہوتی ہے۔ ممتا بنرجی گوا آکر دیکھیں کس طرح یہاں جمہوریت کام کرتی ہے۔